Елиф Елмас и Наполи славеа со 2:1 против Јувентус во дербито на 14. коло од Серија А, по кое тимот за кој игра македонскиот репрезентативец е на врвот на табелата во елитната фудбалска конкуренција во Италија.
„Дијамантот“ ги одигра сите 90 минути за домаќинот на стадионот „Диего Армандо Марадона“ во Неапол и со 6,9 е шести најдобро оценет меѓу стартерите во составот на Антонио Конте, за кој два пати беше прецизен Расмус Хојлунд, а за „црно-белите“ од Торино погоди Кенан Јилдиз.