Од клубот од Автокоманда информираат дека шампионскиот трофеј ќе биде подигнат пред реванш средбата со Хановер во рамки од баражот за групната фаза од Европската лига на ЕХФ.
„РК Алкалоид ја продолжува европската сезона со реваншот во Европската лига на ЕХФ. ТСВ Хановер-Бургдорф од Германија ни гостува во Скопје, а натпреварот се игра во салата „Автокоманда“ на шести септември од 19:30 часот.
Воедно, нашиот тим пред дуелот ќе го добие и пехарот освоен во Европскиот Куп на ЕХФ, па го очекуваме Вашето присуство во нашиот дом, за заеднички да ги поздравиме европските победници“, стои во објавата на клубот.
Македонскиот тим минатата година историски успех победувајќи го грчкиот АЕК во финалето, а пехарот ќе го добие со два месеци задоцнување. Причината за ова е позната: за време на реваншот во Скопје, ракометарите на АЕК одбија да играат и го напуштија теренот во преполната сала „Борис Трајковски“.