Премиерот Ентони Албанезе би можел да го потпише признавањето во рок од неколку дена од денешниот редовен состанок на кабинетот, објави „Сиднеј морнинг хералд“, повикувајќи се на неименувани извори.
Франција и Канада минатиот месец соопштија дека планираат да признаат палестинска држава, додека Велика Британија изјави дека ќе го стори тоа доколку Израел не ја реши хуманитарната криза на палестинските територии и не постигне прекин на огнот.
Израел ги осуди одлуките на земјите да поддржат палестинска држава, велејќи дека овој потег би бил награда за Хамас, кој владее со Газа.
Албанезе повикува на решение со две држави, а неговата централно-левичарска влада го поддржува правото на Израел да постои во рамките на безбедни граници и правото на Палестинците на сопствена држава.
„Реков дека е прашање кога, а не дали“, изјави Албанезе пред новинарите во Нов Зеланд во саботата за ставот на неговата влада за палестинска држава.
Нетанјаху вчера им рече на новинарите дека повеќето Израелци се против воспоставување палестинска држава бидејќи веруваат дека тоа ќе донесе војна, а не мир.