„Кина е шокирана од овие изјави“, рече портпаролот на Министерството за надворешни работи Лин Џијан, осврнувајќи се на изјавата на Кац дека израелскиот премиер Бенјамин Нетанјаху „ја овластил војската да елиминира која било висока иранска личност, без потреба од дополнително одобрение“.
Лин рече дека Кина секогаш се спротивставува на употребата на сила во меѓународните односи:
„Атентати врз иранските лидери и нападите врз цивилни цели се апсолутно неприфатливи“, рече тој, осврнувајќи се на атентатот врз високиот ирански безбедносен службеник Али Лариџани.
„Додека конфликтот беснее, а тензиите продолжуваат да ескалираат, меѓународната заедница повикува на итно прекинување на огнот и прекин на непријателствата“, рече портпаролот.
Лин повика на прекин на воените операции и да се спречи ширењето на конфликтот.
Соопштението на Пекинг дојде во време кога тензиите на поширокиот Блиски Исток продолжуваат да растат откако САД и Израел започнаа заедничка воена офанзива против Иран на 28 февруари, во која досега загинаа околу 1.300 луѓе, вклучувајќи го и тогашниот врховен лидер Али Хамнеи.