Ова го изјави Владимир Медински, помошник на рускиот претседател и шеф на руската делегација во преговорите со Украина, во интервју за „Волстрит џурнал“.
„Сакаме мир“, рече Медински, цитиран од американското издание.
„Но, ако Украина продолжи да се води од националните интереси на другите земји, едноставно ќе бидеме принудени да одговориме“.
Тој ја дефинираше војната како „братоубиствен конфликт“ меѓу две земји со „заедничка историја и јазик“ и ја спореди со раздор меѓу „постар и помлад брат“.
Според него, Западот не ја разбира целосно длабочината на овој конфликт и го доживува како обичен судир меѓу суверени држави, сличен на историските конфликти меѓу Франција и Англија.
Изјавата предизвика остра реакција во Киев, а портпаролот на украинското Министерство за надворешни работи, Георги Тихи, изјави:
„Ако Русија се смета за „брат“ на која било нација во Централна или Источна Европа, тогаш тоа е Каин – со камен во раката.“
Според социолошка анкета спроведена во летото 2024 година, над 70% од Украинците го дефинираат украинскиот јазик како свој мајчин јазик и го користат во секојдневниот живот.
90% од анкетираните не го сметаат рускиот народ за „братски“.