Министерот за надворешни работи и надворешна трговија Тимчо Муцунски денеска во Брисел учествува на состанокот на шефовите на дипломатиите на земјите членки на Алијансата.
Најавено е дека главни теми се имплементацијата на одлуките од Самитот во Хаг, безбедносните предизвици со кои се соочува НАТО, мерките за зајакнување на способноста за одвраќање и одбрана, поддршката за Украина и подготовките за следната средба во јули 2026 година во Анкара.
Се очекува да бидат разменети информации за заедничките напори за продолжување на континуираната поддршка за Украина, како и размена на ставови за одговор на актуелните безбедносни предизвици и закани…