Свет

Наредните денови средба Путин-Трамп

„Њујорк тајмс“ дека Трамп има намера да се сретне лично со Путин следната недела, а потоа да организира трипартитен состанок со украинскиот претседател Володимир Зеленски

 

„На предлог на американската страна, во принцип е постигнат договор за одржување билатерален состанок на највисоко ниво во наредните денови, имено состанок меѓу претседателите Владимир Путин и Доналд Трамп“, соопшти советникот на рускиот претседател, Јуриј Ушаков

Според руската државна новинска агенција РИА Новости, локацијата на состанокот е договорена и ќе биде објавена подоцна, но тешко е да се каже коку ќе траат подготовките.

Според Ушаков, специјалниот претставник на Белата куќа, Стивен Виткоф, ја споменал идејата за трилатерален состанок меѓу Путин, Трамп и Зеленски, но Москва не одговорила на тој предлог.

„Предлагаме да се фокусираме, пред сè, на подготовка за билатерален состанок со Трамп и сметаме дека е најважно овој состанок да биде успешен и конструктивен“, нагласи Ушаков.

Вчера, Путин го прими американскиот претставник во Кремљ на средба што траеше повеќе од три часа.

Средбата била конструктивна и на неа се разговарало за понатамошна заедничка работа за решавање на „украинската криза“, а Русија ќе ги информира своите пријатели и партнери за резултатите од средбата.

Како што рече Ушаков, преку Виткоф, лидерите на двете земји разменија сигнали во врска со Украина, а беа разгледани и перспективите за развој на стратешка соработка меѓу Москва и Вашингтон.

Вчера, два извори изјавија за „Њујорк тајмс“ дека Трамп има намера да се сретне лично со Путин следната недела, а потоа да организира трипартитен состанок со украинскиот претседател Володимир Зеленски.

Според истите извори, Трамп зборувал за оваа намера вчера за време на телефонски разговор со европските лидери. На состаноците ќе учествуваат само тој, Путин и Зеленски – без учество на европските лидери.

 

Најнови вести од: Свет

Ништо од средба помеѓу Путин и Зеленски

Германскиот канцелар Фридрих Мерц изјави дека директни преговори меѓу Владимир Путин и Володимир Зеленски се малку веројатни, и покрај упорните напори на администрацијата на Доналд Трамп да постигне мировен договор за Украина.

„Децата во Газа се прегладнети што немаат сила ни да плачат“, велат надлежните

„Децата во Газа систематски се изгладуваат. Нивните тела буквално се исцрпуваат од глад и болести. Клиниките на „Спасете ги децата“ се преоптоварени, но пациентите честопати немаат сила ниту да плачат“, наведе Ашинг.

Макрон размислува за санкции против дигиталниот сектор на САД

Францускиот претседател Емануел Макрон ги повика своите министри да размислат за можни одмазднички мерки против дигиталниот сектор на САД, како одговор на заканите на американскиот претседател Доналд Трамп за воведување дополнителни царини поради регулативите и даноците за технологија, според висок функционер во француската влада.

To top