Рускиот претседател изјави дека „нема ништо против средбата“ со украинскиот претседател Володимир Зеленски, но додаде дека сè уште нема услови за таква средба.
За можната средба со американскиот претседател Доналд Трамп, Путин рече дека интересот за одржување самит меѓу САД и Русија е „взаемен“ и дека Обединетите Арапски Емирати се „едно од можните места“ за таква средба.
Запрашан за условите што Трамп наводно ги поставил за средба со Путин – вклучително и подготвеноста на Путин да разговара со Зеленски – рускиот претседател рече:
„Многу пати реков дека во принцип немам ништо против тоа, можно е. Но, за тоа мора да се создадат одредени услови. За жал, сè уште сме далеку од тоа.“
Во мај оваа година, украинскиот претседател јавно го покани Путин на состанок во Истанбул за да разговараат за евентуално завршување на војната.
Кремљ никогаш не одговори на таа покана.