Свет

Убиен вториот човек на Исламска држава по наредба на Трамп

Абу-Билал ал-Минуки, заменик-командант на ИСИС во светот, ликвидиран во заедничка акција на американските и нигериските сили

Американскиот претседател Доналд Трамп објави дека Абу-Билал ал-Минуки, втор човек по команда на Исламска држава во светот, е убиен во операција спроведена од американските и нигериските сили.

„Вечерва, по моја директива, храбрите американски сили и вооружените сили на Нигерија беспрекорно извршија прецизно испланирана и многу сложена мисија за елиминирање на најактивниот терорист во светот од бојното поле“, објави Трамп на неговата социјална мрежа Truth Social.

Абу-Билал ал-Минуки бил цел во Африка откако разузнавачките служби ги следеле неговите движења, додаде претседателот на САД во објавата, не откривајчи ја точната локација на операцијата.

Ал-Минуки, нигериски државјанин, беше прогласен за „специјално означен глобален терорист“ од поранешната американска администрација на експретседателот Џо Бајден во 2023 година, според американскиот Федерален регистар.

Трамп ѝ се заблагодари на нигериската влада за нејзината соработка во операцијата.

САД претходно извршија напади врз милитанти поврзани со Исламска држава во Нигерија во декември. Оттогаш, Вашингтон распореди беспилотни летала и околу 200 војници за обука и за разузнавачка поддршка на нигериските сили.

Американските претставници велат дека распоредувањето останува во неборбена улога, фокусирано на поддршка на локалните антитерористички операции против групи поврзани со ИСИС и Ал Каеда кои се шират низ Западна Африка.

Најнови вести од: Свет

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Трамп: Путин по грешка испрати „неколку мали ракети“ во Полска

Трамп изјави дека „не може ништо да стори“ во врска со фактот што полскиот премиер Доналд Туск неодамна јавно изрази револт поради пријателскиот однос на американскиот претседател кон рускиот претседател

To top