Унгарскиот писател Ласло Краснахоркаи ја освои Нобеловата награда за литература, објави денес Нобеловиот комитет.
Роден во 1954 година во Ѓула, Унгарија, Краснахоркаи е еден од најважните современи европски писатели, познат по своите густи, хипнотички реченици и темни визии за свет на работ на колапс, објави Би-Би-Си..
Тој е наследник на централноевропската книжевна традиција што се протега од Кафка до Томас Бернхард и се карактеризира со апсурдност и гротескно претерување во своите дела.
Неговите дела, како што се романите „Сатантанго“ и „Меланхолијата на отпорот“, истражуваат морален хаос, колапс на цивилизацијата и човечката опсесија со значење, од кои многу се адаптирани за филм од режисерот Бела Тар.