Тема: топ

Мукаетов на Самитот „Македонија 2025“: „’Алкалоид’ е пример дека Македонија може да се натпреварува глобално“

Компаниите од земјава и од регионот треба да ги напуштат локалните практики и да работат според глобалните правила и стандарди, доколку сакаат да бидат конкурентни и успешни на меѓународните пазари. Растот и развојот на „Алкалоид“ се резултат на децениско инвестирање во производство, истражување и развој, таленти, технологија и во регионална експанзија

(Фото): Многу новини за плаќањето на патарините, поврзана ќе е и банкарската сметка

Директорот на ЈП Државни патишта, Коце Трајановски вели дека се размислува и за воведување на моделот на наплата на патарините како во Србија односно затворен систем за наплата за поминати километри. За таа цел, веќе се работи на студија да се воведе ваков систем на наплата на Коридорот 8.

На средбата на Сиљановска-Давкова со Џон Битов помладиот и Јордан Битов предочена можноста за засилување на канадско-македонските односи на највисоко ниво!

Претседателката на Република Македонија Гордана Сиљановска-Давкова денеска прими претставници на македонското иселеништво во Канада, меѓу кои и канадските претприемачи Џон Битов помладиот и Јордан Битов, учесници на самитот „Македонија 2025“. Таа им се заблагодари за долгогодишниот придонес на македонското иселеништво во Канада во јакнењето на економските, образовните, научните и културните врски со матичната држава Македонија, како и во претставувањето на македонските интереси и потенцијали на меѓународен план.

Мајк Зафировски: Силна и независна Македонија би била одлична за граѓаните, за регионот, за Европа и за светот! – Иновациите се можност за неа!

Насочете се на она што можете да го контролирате. Ние сме релативно мала земја, случувањата во остатокот од светот може да нè парализираат. Тоа им го порача Мајк Зафировски на политичарите и на сопствениците на бизниси, еден од основачите на „Македонија 2025“, од самитот во Скопје, кој годинава се одржува со мотото „По 2025: Забрзување на растот. Поттикнување лидерство“. Според него, силна, независна, демократска Македонија би била одлична за граѓаните, за регионот, за Европа и за светот.

МНР ќе го повика бугарскиот амбасадор Радуков и ќе биде изразена силна реакција, поради Чамова и нејзината „северномакедонска изјава“!

Министерството за надворешни работи и надворешна трговија на Република Македонија ќе го повика бугарскиот амбасадор Жељаско Радуков како реакција за изјавата на новата шефица на бугарската дипломатија Весислава Петрова Чамова,која  вчера во Брисел, во краток разговор со својот македонски колега, го употреби терминот „северномакедонски“.

Милошоски: Обвинителот Абази, кадарот на Филипче, Заев и Ахмети, работи за бандата и криминалците – ја запре судската постапка за мазутот, вреден 167 милиони евра!

Шефот на Основно јавно обвинителство за гонење организиран криминал и корупција (ОЈО ГОКК) Ислам Абази, кој одработува за Филипче, Заев и Ахмети, односно за СДС и ДУИ, донесе контроверзна наредба за запирање на истрагата во предметот, кој е поврзан со набавките на мазут за потребите на ТЕЦ Неготино, вреден 167 милиони евра. Ислам Абази, соседот на Али Ахмети од Зајас, си ја одработува добиената функција шеф на ОЈО ГОКК, и по насока на тројката Филипче, Ахмети и Заев донесе одлука да се запре судска постапка, во која осомничени, меѓу другите, беа и членот на СДС и бегалец од правдата Васко Ковачевски, и синот на пратеник од ДУИ, Асмир Јахоски и Ратко Капушевски. ВМРО-ДПМНЕ го повикува шефот на ОЈО ГОКК Ислам Абази, веднаш да поднесе оставка, и да ја остави работата на професионалците, коишто поради таквите обвинители како него, не можат да дојдат до израз во правосудството, реагира денеска на прес конференција Антонио Милошоски, член на Извршниот комитет на ВМРО-ДПМНЕ и пратеник.

ИНА: Студентите-Албанци се мобилизираат за втор протест во Скопје, заради правосудниот испит на албански јазик! – Ова е широк студентски бунт!

„Ако мислевте дека застанавме, погрешивте!’ – Албанските студенти најавуваат втор протест во Скопјe поради испитот по право на албански јазик.“ – објави денес информативната агенција на албански јазик Илирија-ИНА.

Мицкоски: Коридорите 8 и 10 се клучот за забрзан економски раст (ВИДЕО)

Мицкоски оцени дека со постоечките и најавените странски инвестиции го исцрпуваме човечкиот капацитет, па затоа треба да се насочиме кон нови, регионални проекти, особено оние што вклучуваат вештачка интелигенција и ќе нè обединуваат.

Најнови вести

To top