Македонија

Македонија на дното во регионот по користење безбедносен појас во возилата

Само 40,1 отсто од патниците во македонските возила ставаат појас, а тој речиси воопшто не се користи на задно седиште

Македонија е меѓу земјите со најниска употреба на безбедносни појаси во регионот, со само 40,1 процент од патниците во возилата кои ги користат. За споредба, лидер на Западен Балкан во овој поглед е Србија со 90,7 отсто, следува Албанија 75,8%, Босна и Херцеговина со 64,8%, Црна Гора со 59,6% и Косово со 53,8%.

Директорот на Постојаниот секретаријат на транспортната заедница, Талис Линкајтс, изјави дека студиската кампања за Западен Балкан ја испитува употребата на безбедносни појаси и детски седишта во сите шест земји-партнери на Западен Балкан. Податоците за Македонија покажуваат дека употребата на безбедносни појаси сè уште не станала рутина, особено кај патниците и луѓето што седат на задните седишта на возилото.

„Нашата соработка со Северна Македонија вклучува напредни технолошки системи за безбедност на патиштата, законодавство за безбедност на патиштата и регионална соработка за подобрување на податоците и реагирање во итни случаи. Ќе продолжиме да даваме насоки и експертиза за побрзо спроведување на приоритетите за безбедност на патиштата“, рече Линкајтс на официјалното започнување на регионалната кампања за Западен Балкан „Момент за живот“, организирана од Постојаниот секретаријат на Транспортната заедница, меѓународна организација која работи на интеграција на транспортните пазари на Западен Балкан со Европската Унија.

 

Најнови вести од: Македонија

Мелбурн ѝ се извини на македонската заедница за забраната на сонцето од Кутлеш

Градските власти на Мелбурн ја признаа грешката по независна анализа на одлуката со која македонските учесници беа спречени да го носат знамето на фестивалот Мумба. Во март годинава градот Мелбурн им наложил на македонските учесници на овој фестивал да го користат само државното знаме на Македонија.

Студентите се враќаат во „Кузман Јосифовски – Питу“, домот се отвора за еден месец

Владата и студентските претставници разговараат за промена на досегашниот начин на субвенционирање. Предложениот модел предвидува зголемување на месечната поддршка од досегашните 3.500 на 4.500 денари, воведување посебна дигитална услуга преку платформата „М-услуги“, како и дополнителни попусти при купување храна во вклучените угостителски и трговски објекти.

Македонија планира инвестиции од пет до шест милијарди евра во патишта и во железници

На форумот се разговараше и за примената на вештачката интелигенција и современите технологии. Николоски посочи дека со измените на Законот за јавните набавки се предвидува воведување дигитални алатки и решенија базирани на вештачка интелигенција за автоматизирано следење на постапките и откривање неправилности и ризици.

Силјановска-Давкова: Ние сме рекордери во промената на Уставот, за три децении 36 пати!

Уставот е закон над законите и најважниот општествен договор – истакна денеска претседателката Гордана Силјановска-Давкова на отворањето на научната конференција по повод 35-годишнината од осамостојувањето и донесувањето на првиот Устав на Република Македонија. Конференцијата е во организација на Собранието, ЈНУ Институт за национална историја и Државниот архив.

Христовски: Мала е опасноста од терористички активности во Македонија

„Мала е опасноста од од терористички активности во Република Македонија, каква што е подолго време наназад, и покрај глобалните трендови на зголемување.“ – изјави денеска директорот на Агенцијата за национална безбедност Бојан Христовски, откако беше запрашан за состојбата во Македонија, поврзано со повикот на американската амбасада во Бугарија до своите граѓани за внимателност во Бугарија.

To top