Уставниот суд ја одложи подготвителната седница за Законот за јазици поради разрешената судијка Дуковска

Уставниот суд донесе одлука да ја одложи подготвителната седница за предметот поврзан со Законот за употреба на јазиците, која беше закажана за 19 јуни 2025 година, бидејќи судијката Елизабета Дуковска беше известител на овој предмет.

Дополнително, Судот донел заклучок дека постапувањето по овој предмет треба да биде во полн состав.

Управниот суд ја поништи одлуката за избор на Елизабета Дуковска за судијка на Уставниот суд, оценувајќи дека постапката за нејзиниот избор била спроведена спротивно на законските критериуми и принципите на еднаквост и транспарентност.

Уставниот суд воедно потсети дека, согласно член 112 став 2 од Уставот, неговите одлуки се конечни и извршни и нема да ги преиспитува по службена должност одлуките во кои учествувал судијата опфатен со пресудата.

Управниот суд го поништи како незаконит изборот на уставната судијка Елизабета Дуковска, која е известителка за предметот за законот за јазиците