Американскиот претседател Доналд Трамп не ја исклучи можноста за „економска војна“ со Русија во случај на недостаток на напредок во прекинот на огнот во Украина, додавајќи дека не би сакал да го стори тоа.
„Ова нема да биде светска војна, туку економска војна“, изјави Трамп пред новинарите како одговор на прашањето што би можел да направи со Москва ако обидите за решавање на конфликтот во Украина не успеат, јави Ројтерс.
„Економската војна би имала лоши последици за Русија. И јас не го сакам тоа“, додаде американскиот претседател.
Според него, во случај на неуспех на украинската спогодба, САД може да воведат санкции против Русија. „Она што го имам на ум е многу сериозно“, рече Трамп.
Во исто време, американскиот лидер истакна дека не може да каже дека украинскиот претседател Володимир Зеленски „е апсолутно невин“ во овој конфликт.
„Сè зависи од двете страни“, вели Трамп.