Македонија

Седницата на комисијата за контрола на АНБ се одложи на неодредено

Закажаната седница на собраниската Комисија за надзор на работата на Агенцијата за национална безбедност (АНБ) и Агенцијата за разузнавање, предвидена за денес во 11 часот, е одложена без наведување на причините и без информации за нов термин.

2 минути за читање

Закажаната седница на собраниската Комисија за надзор на работата на Агенцијата за национална безбедност (АНБ) и Агенцијата за разузнавање, предвидена за денес во 11 часот, е одложена без наведување на причините и без информации за нов термин.

Седницата требаше да ја предводи пратеничката од СДСМ, Славјанка Петровска, членка на Комисијата, бидејќи претседателот Скендер Реџепи нема безбедносен сертификат од АНБ, а продолжува да ја задржува позицијата. Според првичната најава, која сега е отстранета од веб-страницата на Собранието, единствена точка на дневен ред беше предлог-одлука за вршење надзор над АНБ, поради обвинувањата од директорот на Агенцијата, Бојан Христовски, и премиерот Христијан Мицкоски дека тој, како лидер на опозицијата, бил предмет на прислушување. Од друга страна, поранешниот директор на АНБ и тогаш владејачкиот СДСМ негираа дека Мицкоски бил цел на следење или прислушување.

Неофицијално, седницата на оваа клучна, но нефункционална комисија е повторно одложена поради „небезбедниот“ статус на Реџепи. Претседателот на Собранието, Африм Гаши, требало прво да ги достави материјалите за седницата до Реџепи и да му наложи да ја закаже. Доколку тој не го стори тоа, друг член на Комисијата може да ја закаже седницата. Според информациите, Реџепи бил заобиколен, а материјалите биле директно предадени на Петровска.

Ова требаше да биде само трета седница на Комисијата во новиот парламентарен состав, предводен од ВМРО-ДПМНЕ, која е единствената со мандат да врши одредена контрола врз прислушувањето. Заменик-претседателот Блерим Беџети од ДУИ, исто така, нема безбедносен сертификат и не е во можност да закажува седници.

Според договореното, местата за претседател и заменик-претседател на Комисијата ѝ припаднаа на опозицијата од албанскиот блок, односно на Европскиот фронт предводен од ДУИ. Овој политички блок одлучил да постави пратеници без безбедносен сертификат на чело на Комисијата, кои не можат да добијат таков сертификат и не се заменуваат со други пратеници, со што се овозможува АНБ да функционира без надзор од пратениците.

Поврзани теми:

актуелно|Собрание|Африм Гаши|АНБ|Комисија за надзор

Повеќе на оваа тема:

Најнови вести од: Македонија

Дали навистина Али Ахмети „сериозно размислува да се повлече од политиката по вториот круг на изборите“, или сѐ ќе стори да го одложи „политичкото пензионирање“?!

Веќе денешната седница на Централното претседателство на ДУИ, која ја свика Ахмети, ќе покаже во која насока ќе се движат неговите натамошни потези, откако тој и ДУИ доживеаја тежок пораз во првиот круг на локалните избори: дали конечно ќе го прифати „решението“ за „заминување во политичка пензија“, кое му го „напишаа“ гласачите-Албанци во Македонија на 19 октомври, или ќе се обиде да остане барем уште некое време на политичката сцена?

Али Ахмети свика за утре седница на Централното претседателство на ДУИ – ќе се анализираат резултатите од изборите

Шефот на „интегративците“ утре ќе го прекине четиридневниот молк по дебаклот, што го доживеаја тој и неговата партија ДУИ и опозициската коалиција Национална алијанса за интеграција. Дали Ахмети и ДУИ ќе го прифатат и ќе го признаат поразот во првиот изборен круг?

Кандидатот на НАИ за градоначалник на Тетово Реџепи објави фотографија со Али Ахмети, „неколку дена по изборите“, пишува „Тетова сот“

Али Ахмети не се појавил лично во јавноста веќе четврти ден, откако заврши првиот круг на локалните избори кога ДУИ и нивната опозициска коалиција Национална алијанса за интеграција доживеаја дебакл.

Се отвораат нови линии – Договор со Обединетото Кралство за авио-сообраќај

Договорот за редовен воздушен сообраќај помеѓу Македонија и Велика Британија се потпиша на иницијатива на Велика Британија и претставува нова правна рамка со која се уредуваат односите во делот на редовниот воздушен сообраќај помеѓу двете земји.

(Фото): Дератизација, чистење и нов систем за собирање отпад – Општина Центар со вонреден еко-план

Општина Центар воведе вонредни мерки за справување со наталожениот смет и зголемената појава на глодари, најавувајќи итна дератизација, поставување нови пунктови за отпад и вклучување на сите општински служби во акција за чистење.
Сите вести од Македонија

Најнови вести

To top