Уапсен е 53-годишен Британец откако влетал во толпа навивачи на Ливерпул кои на улиците на истоимениот град ја прославувале титулата во Премиер лигата
Инцидентот се случил на улицата Вотер, недалеку од центарот на градот. Во тој момент, големи толпи навивачи се собираа на улиците со часови, славејќи ја титулата.
27 повредени лица беа однесени во разни болници низ Ливерпул. Уште 20 лица се здобиле со полесни повреди и им е укажана медицинска помош на местото на настанот.
Од полицијата потврдија дека на местото на настанот е уапсен 53-годишен бел маж од областа на Ливерпул, за кого полицијата верува дека го возел возилото во кое беа повредени речиси 50 лица.
„Инцидентот не се третира како терористички напад“, рекоа од полицијата, додавајќи дека станува збор за изолиран случај.
Иако на парадата беа преземени бројни безбедносни мерки, сè уште не е утврдено како автомобилот успеал да се пробие на улицата каде што одеа колоните навивачи на Ливерпул.