Само 24 часа откако гласањето за доверба во парламентот го отстрани Франсоа Бајру од функцијата, францускиот претесдетал назначи нов шеф на француската влада , петти по ред во последните две години.
Елисејската палата соопшти дека му е доделена задача да се консултира со политичките партии за да го усвои следниот буџет на Франција.
Лекорну беше меѓу фаворитите за преземање на функцијата.
Бајру го посети претседателот неколку часа претходно за да ја поднесе својата оставка, отворајќи го патот Лекорну да стане петтиот премиер од вториот мандат на Макрон како претседател.
Макрон го избра својот петти премиер за помалку од две години.
Социјалистите беа меѓу оние кои рекоа дека е нивен ред да владеат.
„Би сакал тоа да биде левицата, зелените. Ние мора да ја преземеме власта“, рече лидерот на Социјалистичката партија, Оливие Форе.
Во меѓувреме, крајно десничарскиот Национален собир го повтори својот повик за предвремени парламентарни или претседателски избори, нешто што Макрон досега го отфрли. Одлуката на претседателот минатата година да распише предвремени парламентарни избори само доведе до уште пофрагментиран парламент.
Земјата се подготвува и за антивладините протести „Блокирај сè“ во понеделник.
Но, недостатокот на централно водство меѓу демонстрантите значи дека е тешко да се предвиди колку големи или деструктивни ќе бидат тие.