Синот на обвинителката кој е вмешан во аферата со шверц на луксузни возила засега куртулива од притвор затоа што институцијата каде работи мајка му не бара такви мерки за него.
Син на обвинителка од Основното јавно обвинителство за гонење на организиран криминал и корупција е вмешан во аферата со шверц на луксузни автомобили за која Јавното обвинителство пред неколку дена соопшти дека поведени се постапки против пет лица.
Како што дознава МКД.мк се работи за синот на обвинителката Енгелуше Кадриу Леши, кој сега е вработен во Агенцијата за разузнавање.
За тројцата осомничени кои се дел од постапката побарана е мерка притвор, но тоа не е случај со синот на обвинителката и неговиот колега кои се осомничени за фалсификување службена исправа.
За овој случај од ОЈО за МКД.мк одговориле дека обвинителот постапува според доказите и дејствијата на осомничените, без разлика на евентуалните семејни или други релации.
„Во конкретниот случај, како што претходно известивме постапка е поведена против вкупно 5 лица од кои три се осомничени за кривични дела криумчарење и фалсификување исправи и за сите нив беше побарана мерка притвор. За двете службени лица кои се осомничени за дело фалсификување службена исправа, дело кое се гони во скратена постапка, не беа исполнети законските основи да се бараат мерки за обезбедување. Двете лица се достапни во досегашниот тек на постапката, беше извршен претрес во нивните домови и веќе дадоа исказ пред јавен обвинител во својство на осомничени“, стои во одговорот од ОЈО до МКД.мк.
Основното јавно обвинителство Скопје пред неколку дена извести дека е поведена постапка против три лица за кривични дела, криумчарење и фалсификување исправи.
Повеќе детали на МКД.мк