Бизнис

Позитивни прогнози за економијата в година – раст од 3,8% и пад на инфлацијата на 2,2%

Нови мерки кои имаат за цел да ја поттикнат економијата на земјата, фокусирајќи се на зголемување на инвестициите, создавање на нови работни места и зголемување на платите на вработените. Овие мерки, како што истакна министерот, претставуваат клучен дел од стратегијата на Владата за развој на националната економија и се очекува да обезбедат стабилен раст и нови можности за граѓаните.

2 минути за читање

Економски раст од 3,8% и стабилизирање на инфлацијата в година, односно пад на 2,2% очекуваат од Владата. Според министерот за економија, растот на платите и пензиите ќе продолжи и во 2026, а се очекува и раст на минималната плата. Министерот рече дека цените се стабилизираат, но не може да се влијае на одредени производи зашто доаѓаат од странство.

Паралелно, се подготвува Законот за финансиска поддршка на компаниите. Целта е поттикнување на економскиот раст и развој во државата.

Дурмиши нагласи дека главниот фокус на мерките ќе биде на стимулирање на странските и домашни инвестиции. Со оваа стратегија, Владата сака да привлече нови инвеститори и да ги охрабри веќе постојните компании да ги прошируваат своите капацитети, што ќе доведе до нови работни места. Министерот истакна дека земјата ќе продолжи со создавање на поволна бизнис клима преку намалување на административните пречки и обезбедување на финансиски стимули за инвеститорите.

  • „Новиот пакет на мерки е насочен кон стимулирање на инвестициите во клучни индустрии како што се информатичките технологии, производството и енергетиката. Паралелно со тоа, ќе се поттикнуваат и мали и средни претпријатија кои се основа на секоја економија“, изјави Дурмиши.

Откако Законот ќе стапи во сила, ќе се уредуваат видовите, висината, условите, начинот и постапката за доделување на парите за инвестициите кон деловните субјекти.

Од Економија рекоа и дека се очекува и нов состанот на ЕЕС кон крајот на месецов, што претставува сигнал за постепено заздравување и стабилизирање на економските текови.

Поврзани теми:

бизнис|економија|плати|раст|инфлација|мерки|топ|актуелно|избор|влада|продуктивност

Повеќе на оваа тема:

Најнови вести од: Бизнис

Моторот на економијата – градежништвото, пораснало за 9% во споредба со лани, услугите за 6,1%

Крупните капитални проекти се реализираат со одлична динамика, а фокусот во следниот период треба да се стави на малите и средни градежни фирми, вели вицепремиерот и министер за транспорт Николоски. Рече дека директната помош на Владата кон општините изнесува преку 500 милиони евра.

Минималната плата во март ќе се зголеми за околу 2.000 денари

Нема да има интервентно зголемување на минималната плата под притисок на синдикатите, а нема да има ниту празнични потрошувачки кошници или ад- хок мерки за стабилизација на цените и маржите. Министерот за економија Бесар Дурмиши вели минималецот ќе порасне во март, но само онолку колку што законски следува, согласно формулата за пресметка.

(Фото): Од Србија до Грција преку Македонија по смарт автопат – креативен туризам на Балканот

Ќе се изврши и целосна рехабилитација на автопатот од границата со Србија до границата со Грција, со што ќе се овозможи пристоен и брз транспорт токму во насока на зголемување на транзитот на странските туристи низ државата. Во насока, пак, на нивното подолго задржување во земјата, од Владата кажаа дека се собираат информации за сите локации покрај патот кои би биле атрактивни за туристите.

„Лукоил Македонија“ има шанса да остане и да ги задржи 550-те вработени

Претседателот на Регулаторната комисија за енергетика, Марко Бислимоски изјави дека треба да и се даде шанса на „Лукоил Македонија“ и дека може да се снабдува со деривати од други земји. Инаку „Лукоил“ во земјава има 40 бензински пумпи и 10 резервоари со вкупен капацитет од осум илјади 320 кубни метри.

Има надеж за „Лукоил“ и 550 негови вработени во Македонија

Се бара решение за 550-те вработени во подружницата на руската компанија „Лукоил“ во Македонија откако од овој енергетски гигант одлучија да го продадат имотот во странство по санкциите за нафта што ги воведе американскиот претседател.
Сите вести од Бизнис

Најнови вести

To top