Откако борбите во Украина ќе завршат со мировен договор, украинските сили би можеле да бидат распоредени за да помогнат во одбраната на источните граници на Европската Унија од Русија,
„Би било добро ако искусна украинска армија, откако ќе се воспостави мир во Украина, е подготвена да биде присутна во сите земји од нашиот пограничен регион, почнувајќи од балтичкиот регион и во Литванија, заедно со германска бригада и ротирачки американски батаљони“,изјави денеска комесарот за одбрана на ЕУ, Андриус Кубилиус, јавува Политико.
Сепак, таквото сценарио во моментов е многу далечна перспектива, со оглед на тоа што руската армија продолжува со исцрпувачкиот напредок во источна Украина, а рускиот претседател Владимир Путин не покажува интерес за компромисно решение.
Од друга страна, Украина има најискусна армија во Европа, чие знаење би било непроценливо за сојузниците.
Предлогот на Кубилиус доаѓа во време кога ветувањкраиата за членство на Украина во НАТО стануваат сè потивки поради отпорот од САД и другите членки.
Кубилиус, поранешен литвански премиер, нагласи дека распоредувањето на украинските сили нема да ја намали важноста на германската оклопна бригада во Литванија, американското воено присуство во регионот или клаузулата за заедничка одбрана од Член 5 од НАТО.
„Ние Литванците научивме во нашата историја дека е подобро да имаме повеќекратни гаранции за нашата безбедност“, рече тој, додавајќи дека Членот 5 од НАТО треба дополнително да се зајакне со безбедносните одредби на Европската Унија „со јасен механизам за тоа како ќе се спроведуваат“.