Македонија

Утре почнува судењето за трагедијата во „Пулс“

Процесот ќе го води судијката Диана Груевска Илиевска, а обвинителството ќе биде застапувано од проширен тим од 15 јавни обвинители, со цел да се обезбеди ефикасна и фер постапка

1 минута за читање

Судењето за трагедијата во дискотеката „Пулс“ во Кочани, во која животот го загубија 63 лица, а околу 200 беа повредени започнува утре. Првото рочиште е закажано во 9:30 часот во судницата на КПУ Идризово, со засилени безбедносни мерки и присуство на лекарска екипа.

Случајот опфаќа 38 обвинети – 35 физички и три правни лица, а постапката ќе се води со темпо од две рочишта неделно. Судот апелира до медиумите за достоинствено известување без сензационализам, со почит кон жртвите и нивните семејства.

Процесот ќе го води судијката Диана Груевска Илиевска, а обвинителството ќе биде застапувано од проширен тим од 15 јавни обвинители, со цел да се обезбеди ефикасна и фер постапка.

Обвинителниот акт опфаќа тешки дела против општата сигурност, меѓу кои и сериозни пропусти во организацијата на обезбедувањето на објектот.

Помеѓу обвинетите се сопственици на локали, управители, инспектори, градоначалници, членови на обезбедување и државни службеници.

Поврзани теми:

судење|актуелно|кочани|Пулс|трагедија|обвинети|судски процес|верижна одговорност

Повеќе на оваа тема:

Најнови вести од: Македонија

Во детската клиника во Скопје победничкото ѕвонче силно ѕвонеше за Ана: малата хероина победи во најтешката животна битка! (Видео)

Во Клиниката за детски болести секојдневно се водат најтешките битки – битки што ниту едно дете не заслужува да ги води, а ниту еден родител никогаш не би посакал да ги доживее. Таму се лекуваат најмалите херои, дечиња кои, наместо да мислат на игра, училиште и безгрижно детство, покажуваат неверојатна сила, храброст и надеж. Но, токму на ова место се раѓаат и најубавите победи. Во изминатата година многу мали борци ѕвонеа на најомиленото и најпосакуваното ѕвонче на Клиниката – победничкото ѕвоно, чиј звук носи порака дека една тешка животна битка е добиена. Вчера тоа ѕвонче силно одекна за хероината Ана.

Денес Тошковски ќе даде отчет за сработеното во изминатите две години, откако пред три дена пропадна третата интерпелација против него

Министерот за внатрешни работи Панче Тошковски денеска ќе даде отчет за сработеното во изминатите две години. Настанот, како што информираат од Министерството за внатрешни работи, ќе се одржи во Центарот за обука во Идризово со почеток во 9 часот.

Нов систем на плати, вработувања и одговорност – Собранието ги донесе законите за судска и јавнообвинителска служба

Пратениците во Собранието ги изгласаа законите за судска и јавнообвинителска служба. Со 61 глас „за“ и 12 „против“ се донесе законот за судска служба.

Скандал во психијатриската болница „Демир Хисар“ – криминалци го злоупотребиле системот

Дури 20 осуденици за кривични дела, кои се наоѓаат во психијатриската болница Демир Хисар, не се со психичка болест, туку се здрави и пресметливи, но таму завршиле изигрувајќи го системот и судовите преку коруптивни вештачења за наводно нарушено здравје, констатирал Народниот правобранител.
Сите вести од Македонија

Најнови вести

To top