Македонија

Софија се жали дека екс македонски премиер е прогонуван за пробугарски граѓански активности во Македонија

Бугарскиот европратеник Кристијан Вигенин во Стразбур и Брисел се пожалил дека екс македонскиот премиер Љубчо Георгиевски е прогонуван за пробугарски активности во Македонија.   Во изјава за Бугарската Телеграфска Агенција Вигенин кој е екс министер за надворешни работи изјавил дека кога Македонците побарале да се даде еден пример за прогон на повреда на човекови права […]

2 минути за читање

Бугарскиот европратеник Кристијан Вигенин во Стразбур и Брисел се пожалил дека екс македонскиот премиер Љубчо Георгиевски е прогонуван за пробугарски активности во Македонија.

 

Во изјава за Бугарската Телеграфска Агенција Вигенин кој е екс министер за надворешни работи изјавил дека кога Македонците побарале да се даде еден пример за прогон на повреда на човекови права односно прогон на Бугари од Македонија, бугарската страна го посочила екс македонскиот премиер Љубчо Георгиевски.

 

Вигенин изјавил дека екс премиерот се гони за ,,Бутафорно” односно на македонски јазик, фалшиво дело за пројава на граѓанска активност.

 

Вигенин во изјавата вели дека примерот со екс премиерот Георгиевски е доказ дека Бугарија не измислува за повреди на правата на граѓаните со бугарска свест и никој не може да каже дека Софија измислува прогон против Бугарите во Македонија.

 

Во македонската јавност нема информации за судски процес или пресуда против екс премиерот Љубчо Георгиевски за било какво дело особено не за граѓанска активност како што наведува еден од најдобрите бугарски дипломати Вигенин кој одлично ја познава состојбата во Македонија.

 

Вигенин важи за добро информиран дипломат кој во еден период пред десетина години беше и известувач за Македонија пред Европарламентот и лично се познава со екс премиерот Љубчо Георгиевски што исклучува можност да се работи за некаква грешка.

 

Екс премиерот Љубчо Георгиевски досега не открил дека дека е осуден за било какво дело.

 

За прогонот на екс премиерот за кој излегоа информации дека има бугарски пасош досега не реагирале ниту бугарското МНР ниту кабинетот на претседателот Радев.

 

 

Поврзани теми:

топ|Кристијан Вигенин|Љубчо Георгиевски|осуден|Екс премиер

Повеќе на оваа тема:

Најнови вести од: Македонија

„Курир“: Со достоинство и почит во Турција го пречекаа Мицкоски, оти ги штити македонските интереси, а на Заев ни знаме не му извадија, оти ги распродаваше!

„Светските лидери го препознаваат македонскиот премиер Мицкоски како државник, кој бескомпромисно работи во заштита на македонските национални интереси, а знаеја дека Заев беше човекот, кој ги распродаваше тие исти интереси. Затоа не ги гледаат со исти очи и не ги пречекуваат со иста почит. Како се однесуваш дома, така те третираат надвор!“ – нагласува информативниот портал „Курир“ во својата статија.

Тошковски: Огромна осуда за какво било насилство во Македонија, нема толеранција за тоа, итно се постапува со случајот со бугарската амбасада!

Министерот за внатрешни работи Панче Тошковски остро го осуди вчерашниот инцидент со палењето возило во сопственост на Амбасадата на Бугарија во Скопје. „Осуда за какво било насилство спрема било кого во Македонија е логична. Насилство нема да дозволиме и нема да биде толерирано.“ – нагласи министерот. Во однос на мотивите за инцидентот Тошковски посочи дека во овој момент не може да сподели повеќе информации, но додаде дека постапката е во тек и се води согласно со законските процедури. 

Пркосот на масакрираната „Македонска сончева колона“ од Ваташа кон бугарските фашисти на 16.6.1943: Стрелајте кучиња, но нашата идеја нема да умре!

На денешен ден, на 16 јуни 1943 година беше извршен Ваташкиот масакр, најголемото злосторство врз македонскиот народ за време на Втората светска војна во Македонија, покрај Дабничкиот колеж. Со намера да го спречи големиот подем на народно-ослободителното движење во Македонија, а сѐ во рамките на Јунската непријателска офанзива, бугарскиот фашистички окупатор во месноста „Моклиште“ масакрира и стрела 12 Македонци од селото Ваташа на возраст од 15 до 27 години. Во пролетта 1943 година, по повеќе акции на партизанските одреди на Третата оперативна зона, три полка бугарска војска и одреди полиција, под команда на полковникот Апостолов, од 7 до 16 јуни 1943 година започнува со офанзива за уништување на партизаните. Но, откако доживува неуспех, се нафрла и на мирното население. Врвот на бугарските погроми над цивилното македонско население е ваташкиот масакр „во чест“ на роденденот на бугарскиот престолонаследник Симеон ІІ. Дали и кога ќе дојде бугарски претседател, или премиер, во Ваташа да клекне пред масакрираните Македонци и да побара прошка во име на бугарската држава и народ, како што стори германскиот канцелар Вили Брант на 7.12.1970 пред споменикот на Евреите од Варшавското гето во Варшава, стрелани од германските фашисти? Тој дождлив ден германскиот канцелар Брант беше клекнат на колена само 30 секунди, но во таа половина минута испиша ново поглавје во германската историја. Дали може и бугарски политичар да испише денес ваква нова страница, вакво нови поглавје во нивната бугарска национална историја, засебна од македонската историја? Па дури тогаш да започне вистинска, нова ера на вистински македонско-бугарски добрососедски односи со заемно разбирање, признавање и пријателство?
Сите вести од Македонија

Најнови вести

To top