Македонија

Посета на воен претставник од САД: командантот на Националната гарда на Вермонт генерал-мајорот Грегори Најт доаѓа во Македонија од 9-11 декември

Командантот на Националната гарда на американската сојузна држава Вермонт генерал-мајорот Грегори Најт ќе престојува од денеска до 11 декември во официјална посета на Република Македонија.

Како што соопшти Армијата на Република Македонија, по пречекот со високи воени почести генералот Најт ќе оствари средба со началникот на Генералштабот на Армијата на АРМ генерал-мајорот Сашко Лафчиски и министерот за одбрана Владо Мисајловски.

Според агендата, во текот на престојот е предвидена е и средба со претседателката на Република Македонија и врховен командант на Оружените сили Гордана Сиљановска-Давкова и и со претседателот на Владата на Република Македонија Христијан Мицкоски.

Во рамки на посетата, како што информираат од АРМ, командантот на Националната гарда на Вермонт генерал-мајорот Грегори Најт ќе ја посети и Воената академија „Генерал Михаило Апостолски“ во Скопје, каде што се предвидени средби со раководството на Академијата.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

To top