Доналд Трамп вчера потпиша извршна наредба за отстранување на канабисот од најрестриктивната категорија на дроги.
Промената би ги олабавила ограничувањата за истражување и одредени регулативи, но не би ја легализирала марихуаната низ целата земја.
„Со задоволство објавувам дека ќе потпишам Извршна наредба за прераспоредување на марихуаната од прва во трета категорија како „контролирана супстанција со легитимна медицинска употреба“, рече претседателот.
„Оваа наредба за прекласификација ќе го олесни спроведувањето на медицински истражувања поврзани со марихуаната, дозволувајќи ни да ги проучуваме придобивките, потенцијалните опасности и идните третмани“, додаде Трамп според кој тоа „Ќе има огромно позитивно влијание“.
Наредбата, ѝ наложува на државната обвинителка Пам Бонди да го забрза процесот на ублажување на федералните ограничувања, но не вклучува временска рамка, доаѓа по интензивна кампања за лобирање од страна на индустријата за канабис, според високи претставници на администрацијата.
„Фактите ја принудуваат федералната влада да признае дека марихуаната може да има легитимна медицинска употреба кога се користи внимателно. Во некои случаи, тоа може да вклучува употреба како замена за зависност и потенцијално смртоносни опиоидни лекови против болки“, рече Трамп, нарекувајќи го потегот „здрав разум“.
Потегот на Трамп не ја легализира марихуаната на федерално ниво, иако таа веќе е легална во неколку држави. Регулативата не влијае на рекреативната употреба на марихуана и не вклучува никакви промени во системот на кривична правда.