Бизнис

Храната „ja изеде“ работничката плата, секој месец е сè поскапо – има ли крај на тоа?!

Поскапа за 921 денар е првата годинешна минимална синдикална кошница. Најосновните јануарски потреби на четиричлено семејство чинеле 66.413 денари. Трошоците за храна и пијалаци, кои зафаќаат 36,6 проценти од месечните давачки, достигнале 24.211 денари. Од декемвриските се повисоки за 571 денар. И безмалку сосема се поклопуваат со минималната плата од 24.397 денари.

2 минути за читање

Минималните месечни трошоци на четиричлено семејство во јануари изнесувале 66.413 денари и се зголемени за 921 денар во споредба со декември, покажуваат податоците на Сојузот на синдикати на Македонија. Доколку четиричленото семејство живее во изнајмен стан од 60 квадратни метри, минималните трошоци изнесуваат 81.788 денари. Од вкупните месечни минимални трошоци, 24.211 биле потребни за храна и за пијалаци, а за намирување на минималните режиски трошоци – 6.338 денари.

Поради зголемените трошоци за живот, ССМ бара зголемување на минималната плата на 600 евра и на сите други плати, за што во следниот период најавува протести. Оттаму велат дека во услови на зголемени цени на храната, енергенсите и на услугите, минималната плата често се троши пред да заврши месецот.

  • Цените предвреме ги изедоа платите. Да нема инфлација, минималната плата нека биде и 15.000 денари. Нашето барање за 600 евра минималец е издржано кога споредуваме колку скокнаа цените во маркетите. Двајца дома треба да обезбедат најмалку 65.000 денари месечно само за основните трошоци – велат од ССМ.

Инфлацијата во Северна Македонија официјално порасна за 4,1 отсто на годишно ниво. Според податоците на Државниот завод за статистика (ДЗС) објавени на 8 јануари, само во текот на 2025 година, во просек, е поскапено за 4,1 процент, а цените на мало пораснале за 3,7 отсто. Минималната плата се усогласува секоја година во март, со 50 од порастот на просечно исплатената нето-плата за претходната година и 50 отсто од порастот на индексот на трошоците за живот за претходната година.

Минималната плата во Македонија е 24.379 денари (397 евра), а, според податоците, околу 40 илјади работници во државата се на минималец.

Во март 2026 година, според пресметките, порастот на минималната плата би требало да биде во границите од 6,5 до 7 отсто во однос на 2025 година, односно тоа би значело зголемување од 1.500 до 2.000 денари.

Инаку, во регионот, само Косово има пониска минимална плата од Македонија. Минималецот во Косово е 384 евра. Минималната плата во Србија е од 505 до 580 евра, во зависност од бројот на одработени работни часови во месецот. Во Албанија е 440 евра, а во Босна и Херцеговина 525 евра. Највисока е минималната плата во Црна Гора и изнесуваа 600 евра месечно.

Поврзани теми:

производи|пазарење|топ|цени|ссм|граѓани|пари|инфлација|маркети

Повеќе на оваа тема:

Најнови вести од: Бизнис

Македонија лани беше во првите пет во Европа на растот на БДП, во време на СДСМ бевме последни, рече премиерот

Претседателот на Владата Христијан Мицкоски во интервју за ТВ Ора 24, зборувајќи за изградбата на коридорите 8 и 10Д и за другите инвестиции и во релација со економијата посочи на факти за раст на БДП, според кои и 2024 и 2025 година Македонија е во првите 5 во Европа според растот на БДП, за разлика од минатата влада кога Македонија по овој параметар беше последна во регионот.

Азески на состанок на Советодавниот одбор на Економскиот факултет при Универзитетот во Љубљана

Азески, како член на Советодавниот одбор, тело составено од истакнати бизнис-лидери, експерти и професори, зеде активно учество во дискусијата на денешниот состанок  посветена на  долгорочната стратегија на институцијата и предизвиците околу наставните методи на учење во новата ера кога интензивно се користи вештачката интелигенција, која треба паметно да се искористи во насока на унапредување, а не на уназадување на аналитичкото и критичкото размислување на младите генерации дипломци и постдипломци.

Колку работниците ќе излезат на улица на толку ќе им ги зголемат платите, велат од ССМ

Сите патишта водат кон Скопје, рече претседателот на Сојуз на синдикати на Македонија, Слободан Трендафило и ги повика работниците од целата држава да се приклучат на протест во Скопје за повисоки плати и подобар работнички стандард. Големиот работнички протест, како што рече почнува во 12:05 минути пред зградата на ССМ, а барањата остануваат исти – минимална плата од 600 евра и зголемување на сите работнички плати за 6.000 денари.

ТИТАН Усје: Продолжувањето на А–интегрираната еколошка дозвола се одвива согласно законот и во соработка со надлежните институции

При подготовката на апликацијата за продолжување на дозволата, компанијата во целост ги следи обврските и условите што произлегуваат од законските и подзаконските акти и соработува со сите надлежните институции

Нафта скокна над 100 долари за барел, се стравува од нов шок

Цената на нафтата од ноќеска повторно се искачи над 100 долари за барел, неколку дена откако го достигнаа максимумот. Од бизнис еснафот стравуваат од можни ценовни шокови, односно ако кризата продолжи, тоа ќе влијае врз глобалните залихи на гориво.

Глобалната недела на парите 2026 година: „Разговори за паметно управување со парите“

Глобалната недела на парите традиционално се одбележува преку предавања за различни возрасни групи, објавување едукативни материјали од областа на финансиите на интернет-страниците, одржување работилници со физичко присуство или онлајн, како и објавување едукативни содржини на социјалните мрежи.
Сите вести од Бизнис

Најнови вести

To top