Македонија

Лажни мејлови од Бирото за јавна безбедност за наводни „кривични истраги“ – не отворајте ги!

Во последните денови, МВР регистрира зголемен број пријави од граѓани кои добиле електронски пораки наводно испратени од директорот на Бирото за јавна безбедност, Александар Јанев, или од Единицата за сајбер безбедност. Во пораките, примачите се предупредуваат дека се предмет на кривични истраги за сериозни злосторства како детска порнографија, педофилија или трговија со дрога и им се наложува да се јават во полициска станица или да испратат повратен имејл во рок од 24 часа.

1 минута за читање

Целта на овие лажни пораки е да се добијат лични податоци на граѓаните, кои измамниците понатаму можат да ги злоупотребат. МВР нагласува дека овие пораки се лажни и не се испратени од БЈБ или од одделението за сајбер криминал и безбедност. Истражни покани од МВР никогаш не се испраќаат преку електронска пошта. Лошиот превод и граматичките грешки во пораките се јасен знак дека станува збор за измама.

Министерството апелира до граѓаните:

– Не отворајте сомнителни пораки од непознат испраќач.

– Не контактирајте го испраќачот и не споделувајте лични податоци.

– Не кликнувајте на линкови или прилози кои доаѓаат со такви пораки, за да го заштитите вашиот компјутер и личните информации.

– Сите граѓани кои се сомневаат дека добиле ваква порака, треба да се обратат до МВР и да ја пријават.

Поврзани теми:

актуелно|лажни пораки - измами|Биро за јавна безбедност|мвр

Повеќе на оваа тема:

Најнови вести од: Македонија

Патиштата проодни, службите на терен – стабилна во Македонија по снежните врнежи

Сè уште е во сила забраната за движење на товарни моторни возила на планинските превои Стража и Пресека. До пладне сите патни правци на територијата на Скопје се исчистени и сообраќајот се одвива по влажни коловози, информира Центарот за управување со кризи во најновиот извештај за состојбата на патиштата.

Во најава поевтини мобилни услуги – Што ќе значи „4iG“ за Македонските граѓани?!

Премиерот се сретна со сопственикот на компанијата која ја доби дозволата за трет мобилен оператор. Денот, како што нагласува, го продолжиле на панел на кој со светските лидери и претставниците на мултинационални компании разговарале за предизвиците на човештвото во годините што следуваат.

Новиот систем за влез во ЕУ може да ги уништи транспортерите и економијата

Македонските превозници да бидат ослободени од новите правила за електронска евиденција при влез во Шенген-зоната, апелира до Европската Унија Вицепремиерот и министер за транспорт, Александар Николоски, предупредувајќи дека нивната примена ќе предизвика сериозни удари врз домашната и врз регионалната економија. Од Собранието, Николоски изјави дека Владата целосно ги разбира револтот на транспортерите и најавениот протест од […]

(Фото+Видео): Сите државни патишта се исчистени и проодни, екипите на „Македонија пат“ на терен, вели министерот за транспорт

„Благодарам за силниот ангажман на вработените во Македонија пат. А, снегот дава дополнителна убавина на нашата Македонија!“, порача министерот за транспорт Николоски. Министерството апелира до граѓаните да ги почитуваат сообраќајните правила и да патуваат внимателно, и покрај подобрените услови на патиштата.

Бојан Маричиќ е предложен од СДСМ за претседател на Државната изборна комисија

За седумчлениот нов состав на ДИК пријавени беа вкупно 16 кандидати Државната изборна комисија е составена од седум члена (претседател, потпретседател и пет други члена). Членови на ДИК може да бидат државјани на Република Македонија со постојано место на живеење во земјата, да се дипломирани правници со најмалку осум години работно искуство како правници и […]

Мицкоски: Како трет мобилен оператор „Фор-ај-џи (4iG)“ ќе инвестира 100 милиони евра, ќе се намалат цените на услугите!

„Денот во Давос го започнавме со состанок со сопственикот на компанијата „Фор-ај-џи (4iG)“, компанија која што ја доби дозволата за третиот мобилен оператор во Македонија. Разговаравме за неговите планови, откако ги упати парите, што се потребни за добивање на лиценцата. Тој ме информираше дека во следниот период ќе инвестира повеќе од 100 милиони евра во развој како трет мобилен оператор. Граѓаните добиваат нова компанија, што ќе нуди мобилни услуги и  којашто, сигурен сум, ќе влијае позитивно за  намалување на цените на услугите кои, што мобилните оператори ги нудат за граѓаните во Македонија.“ – изјави премиерот Хритијан Мицкоски.

За ексминистерот за внатрешни работи на Албанија Демирај Вевчанскиот карневал е „марш на српско-македонскиот фашизам“?!

„Срамната парада во Вевчани, кај Струга, овој месец, претставуваше марширање на српско-македонскиот фашизам, бидејќи на улиците во Вевчани се славеа масакрите во Хрватска и Босна и Херцеговина и геноцидот во Косово, извршен од српските четници. Таа парада беше марш на омраза од луѓе без совест, кои ги слават злосторствата против човештвото, крвта на децата, жените и невините цивили во Хрватска, Босна и Косово. Ова не е ‘комеморација’, туку славење на криминалот и варварството.“ – тврди Дритан Демирај од Албанија, во својата скандалозна колумна со наслов „Генералот Демирај: Аркан маршира повторно – српскомакедонскиот фашизам на улица, Албанците во молк“. Дритан Демирај е поранешен високорангиран и повеќекратно одликуван офицер во албанската армија, командант на нејзините специјални единици „Командоси“. Во 2017 гоина бил министер за внатрешни работи на Албанија. Тој е и доктор на науки по меѓународни односи и безбедност.
Сите вести од Македонија

Најнови вести

To top