Македонија

Македонија не треба да брза во однос на Гренланд, смета Милошоски

Ексминистерот за надворешни работи со поддршка за ставот на актуелниот шеф на дипломатијата за тензиите околу островот

2 минути за читање

Поранешниот министер за надворешни работи и сегашен претседател на собраниската Комисија за европски прашања, Антонио Милошоски, го поддржува ставот за Гренланд на шефот на дипломатијата Тимчо Муцунски, кој изјави дека „внимателно ја следиме ситуацијата“ и „веруваме дека ќе се најде решение во согласност со меѓународното право“.

„Македонија не треба да брза, туку да продолжи внимателно да го следи развојот на настаните во врска со прашањето за Гренланд, за кое позициите на Данска и на САД сериозно се разликуваат. Прво, затоа што САД и Данска не се единствените земји-членки на НАТО кои имаат такви несогласувања. На пример, Шпанија и Велика Британија со години имаат спор околу суверенитетот над Гибралтар и водат дијалог за ова прашање“, изјави Милошоски за „Слободен печат“.

Како друг пример, тој ги спомена Турција и Грција, кои сè уште имаат несогласувања во врска со обемот на нивната поморска граница и територијалниот интегритет на два ненаселени острови во источниот дел на Егејското Море.

„Затоа, мислам дека ставот на министерот Муцунски е исправен дека на прашањето за Гренланд треба да му се даде шанса за дијалог во рамките на НАТО. Како земја-членка на НАТО, треба да ги охрабриме и разговорите во рамките на трилатералната работна група што ја формираа Данска, Гренланд и САД, за да се постигне заемно прифатливо решение за безбедносната компонента на Арктикот. Со малку добра волја и поголем дипломатски ангажман, верувам дека дури и за ова спорно прашање може да се најде решение“, додаде пратеникот на ВМРО-ДПМНЕ.

 

Поврзани теми:

избор|Тимчо Муцунски|Антонио Милошоски|Гренланд|„Слободен печат“

Повеќе на оваа тема:

Најнови вести од: Македонија

„Плус инфо“: Синдикатот знаеше дека платата за вработените е обезбедена, но ги извади луѓето на протест, за управата на Пошта „протестот е политички мотивиран“!

„Синдикатот знаеше дека платата за вработените е обезбедена, но ги извади луѓето на протест. Менаџментот на Пошта тврди дека зад протестот стои политички мотив!“ Од Пошта тврдат дека само еден од синдикатите стои зад протестот и тој навремено бил информиран, дека проблемот е решен и дека за сите вработени има обезбедено плата. „Македонска пошта“ соопшти дека го смета за крајно тенденциозно и несериозно и политички мотивирано организирањето штрајк во услови кога е обезбедена плата за сите вработени. – објави Плус инфо. 

АА на Таравари: „Безбеден град“ ги крши јазичните права на Албанците во мултиетничка држава“ и одредува несразмерни казни!

Крилото на Арбен Таравари Алијанса за Албанците искажа критики за проектот „Безбеден град“ и неговата примена во рамки на Законот за прекршоци, оценувајќи дека тој „отвора сериозни правни, социјални и уставни загрижености“.

Стојановска: Ахмети прифати помалку министерства од Вреди и да нема Албанец-претседател на Собрание, само да влезе во Владата!

„Али Ахмети кажува дека со претседателот Мицкоски пред една година договорил предвремени избори, но не ја кажува вистината за средбата во мојата канцеларија, каде што нудеше влез во Владата, без да бара претседателско место во Собранието и со прифаќање едно министерско место помалку од тоа што го бараше Вреди, само да биде дел од истата оваа влада!“ – објави на својот профил на фејсбук Дафина Стојановска, пратеничката од ВМРО ДПМНЕ во Собранието на Република Македонија.

Со 81 глас „за“ Собранието ги изгласа промените за „Безбеден град”, ДУИ и СДСМ против

Собранието на Република Македонија ги изгласа измените на Законот за прекршоци, со кои се овозможува целосно воведување на системот „Безбеден град“. За усвојување на промените се изјаснија 81 пратеник „за“, додека 19 гласа беа „против“. Измените беа разгледани и изгласани по скратена постапка. Пратениците од ДУИ и СДСМ беа против, додека останатите партии во собраниската сала ја поддржаа законската иницијатива.

Наградата за извлечениот крст од Крива Река Наум Додевски со другарите им ја даде на деветчленото семејство Димитровски од Крива Паланка!

„Воден од хуманоста како главен мотив, младиот Наум Додевски, кој го извлече светиот крст од водите на Крива Река, заедно со тимот млади другари, ја подари наградата, што му беше доделена, на деветчленото семејство Димитровски од Крива Паланка.“ – објави Македонската информативна агенција-МИА.

Авантури за сите генерации и за пролет и за зима: Што нудат тематските паркови во Анталија

Дека Анталија е „кралица“ на летните одмори и морските доживувања, е одамна прифатен факт. Но, оваа туристичка престолнина на Туркије, која се најде и меѓу Топ 10 дестинации според рангирањето на Euromonitor International Arrivals 2025, сѐ повеќе се наметнува како привлечно место и за зимските и пролетните месеци. Со концептот туризам преку цела година, семејствата […]
Сите вести од Македонија

Најнови вести

To top