Свет

Трамп: Демократите ме мразат, но и јас ги мразам нив (ВИДЕО)

Навистина не можам да ги поднесам. Бидејќи верувам дека ја мразат нашата земја“, рече американскиот претседател кој е од редовите на Републиканците

Со шокантна изјава, американскиот претседател Доналд Трамп повторно предизвика бран реакции

Зборувајќи на митинг во Ајова, Трамп го коментираше неуспехот на демократите да го поддржат неговиот закон, кој го нарекува „одличен, прекрасен закон“.

Во таа прилика, тој рече: „Тие го мразат Трамп, но и јас ги мразам, знаете? Навистина не можам да ги поднесам. Бидејќи верувам дека ја мразат нашата земја“.

Изјавата веднаш предизвика силни реакции, особено од страна на демократите.

Ова не е прв пат Трамп да користи слична реторика против политичките противници.

Неодамна го нарече демократскиот кандидат за градоначалник на Њујорк, Зохран Мамдани, „луд комунист“.

Вчера, Конгресот го одобри законот на Трамп, кој демократите го нарекоа „одвратна гнасотија“.

Трамп тврди дека ќе ја зајакне Америка преку даночна реформа и инвестиции во војската и безбедноста, додека демократите предупредуваат на укинување на бројни социјални мерки, даночни олеснувања за најбогатите и понатамошно зголемување на огромниот американски јавен долг.

 

Најнови вести од: Свет

Камала Харис остана без заштита од Тајната служба

Американскиот претседател Доналд Трамп издаде наредба за укинување на заштитата од Тајната служба за поранешната потпретседателка и кандидатка за претседател од Демократската партија, Камала Харис, објавија американските медиуми.

(Фото): Турист „почасти“ слон со пиво и предизвика бес во Африка

Се верува дека слонот на кој му го дал пивото е Бупа, пријателски мажјак со карактеристично оштетен заб. Бупа бил спасен во 1989 година и однесен во резерватот Ол Џоги, познат по рехабилитација на животни.

Ништо од средба помеѓу Путин и Зеленски

Германскиот канцелар Фридрих Мерц изјави дека директни преговори меѓу Владимир Путин и Володимир Зеленски се малку веројатни, и покрај упорните напори на администрацијата на Доналд Трамп да постигне мировен договор за Украина.

To top