Одбраната побара, а Обвинителството се согласи, па бегалецот од правадата за проневера тешка 8 милиони евра во предметот за Државната лотарија и бивш вицепремиер Артан Груби истиот ден во кој беше уапсен на граничниот премин Блаце заминува во домашен притвор.
„Во однос на мерките за обезбедување на присуство на второосомничениот во понатамошниот тек на постапката, Основното јавно обвинителство Скопје предложи замена на мерката притвор со мерка куќен притвор и одземање на патна исправа, имајќи го предвид фактот дека во најголем дел се обезбедени доказите во текот на постапката, дека тој доброволно се пријавил на органите на прогонот, како и дека постојат индиции дека во притворското одделение не може да се гарантира неговата лична безбедност, кои индиции се поткрепени со известувања од надлежните органи. Исто така индициите за загрозената безбедност се однесуваат и на членовите на неговото семејство“, соопштија од Обвинителството.
„Индициите“ за небезбедноста на Груби во затворскиот притвор се косат со изјавата на директорот на затворот „Скопје“ во Шутка, Бобан Уткоски, дека безбедноста во установата е загарантирана.