Свет

Путин барал од олигарсите да донираат во буџетот за одбрана

Најмалку двајца бизнисмени му рекле на Путин дека би биле подготвени да дадат придонеси во буџетот за одбрана по разговорите во четвртокот

 

Се очекува рускиот претседател да го продолжи конфликтот, кој започна во февруари 2022 година, сè додека Москва не ги обезбеди преостанатите области од источниот регион Донбас на Украина кои не се под нејзина контрола.

Најмалку двајца бизнисмени му рекле на Путин дека би биле подготвени да дадат придонеси во буџетот за одбрана по разговорите во четврток, објави Гардијан.

Се смета дека Путин продолжува со инвазијата откако Украина одби еднострано да се повлече од Донбас за време на неодамнешните преговори посредувани од САД.

Русија ќе биде во контакт со САД за нова рунда разговори за мировен договор штом условите дозволат, изјави портпаролот на Кремљ, Дмитриј Песков.

Песков рече дека Русија не го изгубила интересот за мировни разговори, но додаде дека клучните прашања – вклучително и територијата – сè уште не се решени.

Сметката за одбрана на Кремљ се зголеми за 42% и достигна 13,1 трилиони рубљи (121 милијарди фунти) минатата година и властите се обидеуваат да ја стабилизиратсвојата економија преку оданочување.

Министерот за економија, Максим Решетников, изјави во четврток дека Русија размислува за уште еден неочекуван данок оваа година ако рубљата продолжи да слабее.

Русија собра 320 милијарди рубљи (2,95 милијарди фунти) преку еднократен данок од 10% за неочекувани приходи врз некои големи компании во 2023 година.

Во јануари, Кремљ го зголеми ДДВ-то на 22% во обид да собере дополнителни 600 милијарди рубљи во текот на три години од малите и средните претпријатија.

Буџетскиот дефицит на Русија за јануари и февруари се зголеми на повеќе од 90% од бројката проектирана за целата година, бидејќи американските санкции ја принудија Москва да продава нафта по значително намалени цени.

Претходно, Путин предупреди дека руските компании и владата треба да имаат претпазлив пристап кога одлучуваат како да ги трошат неочекуваните добивки од повисоките цени на нафтата што произлегоа од војната на Блискиот Исток.

„Сега кога цените на нашиот традиционален извоз растат, но пазарите се во превирања, може да има искушение да се искористи ситуацијата“, им рече тој на бизнис лидерите во Москва.

Путин додаде дека ова искушение може да вклучува трошење на дополнителните приходи, нивно исплаќање во дивиденди на компаниите или, во случајот на државата, проширување на буџетските трошоци.

„Мора да останеме претпазливи. Ако пазарите се свртат во една насока денес, утре би можеле да се свртат во друга“, додаде тој.

Зеленски сака да се сретне со Путин

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top