Бизнис

„Тиквеш“ триумфира во Јапонија: Две гран-при од вкупно девет награди на натпреварот SAKURA

Меѓу деветте признанија се две Гран-при награди, како и два двојни златни медали, четири златни и еден сребрен медал, што претставува јасен сигнал за конзистентниот квалитет и глобалната релевантност на вината на „Тиквеш“

2 минути за читање

Македонското вино сè поубедливо го освојува глобалниот вински простор, а најновата потврда доаѓа од Јапонија. Винарската визба „Тиквеш“ освои девет престижни награди на 13. издание на меѓународниот вински натпревар SAKURA – Japan Women’s Wine Awards, еден од највлијателните вински настани во Азија.

Меѓу деветте признанија се две Гран-при награди, како и два двојни златни медали, четири златни и еден сребрен медал, што претставува јасен сигнал за конзистентниот квалитет и глобалната релевантност на вината на „Тиквеш“.

Највисоките награди на натпреварот ги понесоа вината Barovo Rosé 2024 и Vranec Luda Mara 2022. Притоа, Barovo Rosé 2024 освои двоен златен медал и Гран-при награда за најдобро розе вино, а Vranec Luda Mara 2022 освои златен медал и Гран-при награда за вино што најдобро се комбинира со корејската кујна.

Останатите наградени вина се: Bela Voda Red 2021, кое освои двоен златен медал, Domaine Lepovo Chardonnay 2023, Babuna Red 2022 и Alexandria Premium Cuvée Rosé 2024, кои освоија златни медали и Barovo Red 2021, кое освои сребрен медал.

„Овие признанија се резултат на нашата долгорочна посветеност, како кон квалитетот, така и кон создавањето вина со јасен идентитет и тероарска автентичност. Нашата амбиција е македонското вино да биде препознаено не само по вкусот, туку и по карактерот што го носи“, истакнуваат од „Тиквеш“.

Винскиот натпревар SAKURA е специфичен по својот уникатен пристап во кој вината ги оценуваат повеќе од 400 сертифицирани жени сомелиери и вински експерти од Јапонија, со особен фокус на нивната компатибилност со азиската гастрономија. Со над 4.000 вина пријавени секоја година, овој натпревар претставува релевантна платформа за позиционирање на вината на еден од најдинамичните светски пазари.

Со овој резултат, „Тиквеш“ дополнително ја зацврстува својата позиција како еден од најрелевантните вински производители од регионот и значаен претставник на имиџот на македонското вино на глобалната сцена.

Поврзани теми:

Вино|награди|избор|јапонија|Тиквеш

Повеќе на оваа тема:

Најнови вести од: Бизнис

Мора да се стави крај на издавањето на црно апартмани преку „Booking“ и „Airbnb“

Европската комисија ја предложи регулативата уште во 2022 година, откако повеќе европски градови предупредуваа дека масовното краткорочно изнајмување влијае врз цените на домувањето и создава дополнителен притисок врз локалната инфраструктура. Според ЕУ, една од главните причини за воведување на новите правила е недостигот на сигурни и стандардизирани информации за сопствениците, локациите и за времетраењето на изнајмувањето, што досега им отежнувало на институциите да го следат пазарот и да носат соодветни политики.

Цените на становите во Скопје растат, ама и не се продаваат – до кога?!

Според Народната банка, во првиот квартал од оваа година, цените на становите во Скопје се зголемиле за 16,7% на годишна основа и за 0,1% на квартална основа, што укажува на поумерено зголемување во споредба со минатата година. Во текот на изминатата година, зголемувањето на цените е значително поголемо: во првиот квартал 19,5%, во вториот 19,9%, во третиот 25,1% и во четвртиот 25%.

Почна продажбата на курбан, една овца се продава и до 400 евра

Сточарството во тетовскиот регион се соочува со една од најсериозните кризи во последните децении, директно погодено од бранот на иселување на младите и недостатокот на интерес за наследување на традиционалните занаети. Според самите сточари, бројот на добиток драстично се намалил, бидејќи младите генерации ги напуштаат селата, оставајќи ги само постарите да се грижат за малкуте преостанати стада.

Министерството за финансии одзеде дозвола за работа на големо финансиско друштво

Од Министерството најавуваат дека ќе продолжат со интензивни контроли и ќе ги преземаат сите расположливи мерки согласно закон, со цел заштита на граѓаните и спречување на непочитување на законските прописи.

„ЕСМ“ со паметна стратегија: Преку викенд набавки на струја по негативни цени, компанијата инкасираше околу 50.000 евра

АД ЕСМ покажува сигнали на консолидација на финансиски план после огромни предизвици во сите сегменти на работењето, наследени од претходните раководства во периодот 2017-2024 година.

Вицегувернерката Митреска на БИС: Силен банкарски сектор, но и натаму се потребни претпазливи политики

Стапката на адекватност на капиталот во регионот сега изнесува 20,7%, наспроти ниво од под 19% пред пандемијата, додека учеството на нефункционалните кредити е намалено на 2,5%, во однос на околу 6% пред кризата

По цели 7 години „ЕСМ“ финансиски се стабилизира, прикажан позитивен резултат за првиот квартал

Остварените резултати претставуваат позитивен сигнал за имплементираните мерки за консолидација, реструктурирање, зголемување на домашното производство и оптимизација на процесите од сопствените производни капацитети. Исто така, согласно актуелните перформанси и адаптирање на динамичниот пазар на електрична енергија, целта е Друштвото да прерасне во регионален играч за купопродажба на електрична енергија.

„Костал” со амбициозни планови за иднината – премиерот очекува приходите на компанијата да пораснат на 500 милиони евра

Компанија „Костал“ која е германска инвестиција претставува една од најуспешните странски инвестиции во Македонија и значаен двигател на домашната економија, изјави денеска премиерот Христијан Мицкоски на одбележувањето 10 години од оваа инвестиција. Тој нагласи дека „Костал“ е меѓу петте компании со најголем извоз во државата и има директно влијание врз македонскиот домашен бруто производ.
Сите вести од Бизнис

Најнови вести

To top