Македонија

Сиљановска Давкова: Евроинтеграциите не се само политичко, туку и безбедносно прашање

Повеќе од кога било на светот му се потребни одговорни лидери, рано предупредување на ризиците, како и превентивна, наместо реактивна дипломатија.

2 минути за читање

На петтото издание на Дипломатскиот форум во Анталија, претседателката на Македонија, Гордана Сиљановска-Давкова, се обрати на „Панелот на лидери“ на тема: „Мапирање на иднината, управување со неизвесностите“.

Претседателката предупреди на растечката опасност од авторитарни тенденции и ремилитаризација, како и на сериозната криза на политичкото лидерство. За неа повеќе од кога било на светот му се потребни одговорни лидери, рано предупредување на ризиците, како и превентивна, наместо реактивна дипломатија.

Според неа, меѓународното право не може да се применува и почитува, без силни и стабилни меѓународни институции. Таа укажа на неодложната потреба од длабока реформа на ОН, но и на Европската Унија, со оглед на фактот што обете беа формирани како неопходни мировни проекти, а се соочуваат со војна.

Во врска со Западниот Балкан, Сиљановска-Давкова го реафирмираше ставот дека евроинтеграциите не се само политичко, туку и безбедносно прашање, а отпорноста на трети страни е возможна само ако сме внатре во ЕУ.

Уште еднаш, укажа дека спротивно на основните европски начела и принципи, вградени во конститутивните документи на ЕУ, е членството да се условува со преговори за идентитетски прашања, култура, историја и јазик.

На панелот учествуваа претседателот на Казахстан, Касим-Жомарт Токаев и премерот на Грузија, Иракли Кобахиѕе. Дискусијата ја модерираше Мевлут Чавушоглу, поранешен министер за надворешни работи, пратеник во Големото национално Собрание и шеф на турската делегација во ПС на НАТО.

Панелистите ги искажаа своите ставови за клучните глобални предизвици и неизвесности со кои се соочува меѓународната заедница во 2026 година, со фокус на прашањата за геополитичките тензии, економска нестабилност, климатските ризици, технолошките трансформации и безбедносните закани.

Се согласија дека зајакнувањето на мултилатералните институции е неопходно во градењето на поефикасен меѓународен систем. Беше истакната важноста на антиципативната дипломатија, проактивното препознавање и управување со новите ризици, како и потребата од современи стратешки рамки што ќе ја поттикнат соработката меѓу државите во справување со заедничките глобални предизвици.

Поврзани теми:

топ|турција|Сиљановска|порака|Анталија|мфорум

Повеќе на оваа тема:

Најнови вести од: Македонија

Пијаниот полицаец Д.М. возел двојно побрзо од ограничувањето, а имал забрана за возење! – Упатен на задолжителен психијатриски преглед!

Полицаец што на граничниот премин „Меџитлија“, бил фатен на почетоков на месецов во Битола, како, иако имал забрана за возење, бил фатен зад волан во Битола. Бил сопрен оти возел двапати побргу од ограничувањето – а притоа бил пијан! Внатрешна контрола поднела предлог за поведување постапка за утврдување на дисциплинска одговорност и изрекла задолжителни мерки одземање на службеното оружје и муниција и упатување на задолжителен психијатриски и психолошки преглед

Кривични пријави против В.Р. (56), З.П. (61) и А.А. (60), од Вевчани, поради злоупотреби со сеча на дрва – ги оштетиле „Национални шуми“ и државниот буџет за околу 4500 евра

Од МВР информираат дека Надворешната канцеларија за криминалистички работи Струга поднела кривична пријава против В.Р. (56), З.П. (61) и А.А. (60), сите од општина Вевчани, поради сомнение за сторени кривични дела „злоупотреба на службена положба и овластување“ и „несовесно работење во службата“.

Мицкоски за писмата на Филипче до ЕУ, „кој е сериозно загрижен за уставниот поредок“: Секој има право да праќа писма, но моите чувства за прогон сè се посилни!

„Секој има право да си се допишува и да праќа писма, но моите чувства се сѐ посилни!“ – , рече премиерот Христијан Мицкоски во одговор на новинарско прашање за став на информацијата дека лидерот на СДСМ Венко Филипче испратил писма до сите официјални институции во ЕУ, но и до сите амбасадори во земјава по изјавата на премиерот дека „има чувство оти можеби ќе има прогон на поранешни функциониери од сегашната опозиција“.

ИНА: По пронајдена марихуана и кокаин, подготвени за продажба, лишен од слобода синот (16) на ексградоначалничката на Тетово Теута Арифи и на судија на Врховен суд! (ВИДЕО)

„Вчеравечер е изведена изненадувачка полициска акција во куќата на поранешната градоначалничка на Тетово Теута Арифи. Во доцните вечерни часови полициските сили отидоа во куќата на Арифи по низа сомневања поврзани со нејзиниот малолетен, 16-годишен син, осомничен за продажба на наркотични средства, дрога. Според информациите, синот на Теута Арифи бил придружуван во полиција, исто така од еден од неговите родители, актуелен судија во Врховниот суд.“ ова го објави „Алмакос“, пренесувајќи ја веста на информативната агенција Илирија-ИНА.

Зелените компетенции влегуваат во угостителството – од професионалната кујна до училницата

Во време кога одржливоста повеќе не е избор, туку потреба, HoReCa секторот се наоѓа на пресвртница. Еразмус+ проектот „Зелената иднина на HoReCa“ има за цел да ги поддржи професионалците и едукаторите во оваа трансформација – од намалување на отпадот и повисока енергетска ефикасност, до градење нова култура на одговорно лидерство.
Сите вести од Македонија

Најнови вести

To top