По исплатата на заемот од 90 милијарди евра за поддршка на Украина и усвојувањето на 20. пакет санкции против Русија, следниот чекор е отворање на првиот кластер преговори за пристапување на Украина во ЕУ, најави претседателот на Европскиот совет, Антонио Кошта.
„Презедовме два многу важни чекори за да постигнеме праведен и траен мир во Украина. Првиот е јакнењето на украинските сили и на нивната способност да продолжат да се борат, бранејќи се од руската инвазија. Вториот чекор е зголемувањето на нашиот притисок врз Русија за да ја охрабриме сериозно да се вклучи во мировните преговори“, рече Кошта по состанокот со украинскиот претседател Володимир Зеленски и со претседателката на Европската комисија, Урсула фон дер Лајен, на Кипар, објави Укринформ.
Тој нагласи дека е време да се подготвиме за следниот чекор.
„И следниот чекор е отворање на првата група преговори за пристапување на Украина во Европската Унија“, рече претседателот на Европскиот совет.
Потсетувајќи дека ЕУ го исполнила своето ветување во врска со првите два чекори, Кошта нагласи дека „ќе го исполни и во врска со следниот чекор“.