Македонија

Мицкоски: Европа е нашиот единствен пат, треба да разговараме за решенија, со кои ќе одиме напред, но никогаш нема да правам пазар со идентитетот!

Премиерот Христијан Мицкоски на свеченоста по повод 9 Мај – Денот на победата над фашизмот и Денот на Европа порача дека Европа е нашиот единствен пат и оти нашата татковина нема друга иднина и шанса за успех освен интеграцијата во Европската Унија. Мицкоски истакна дека во Европа не гледа само како на географија и оти Европа треба да биде вредност, како и дека мора да се разговара за трајни решенија по кои ќе можеме да одиме напред, а не за решенија со кои ќе оставиме големи товари на нашите потомци. Но, тој повтори дека „пазар со идентитетот, пазар со нашето достоинство во замена за какви било лични или политички придобивки, какви што имало во нашата понова историја, никогаш нема да прави“.

2 минути за читање

-Како што наведе Мицкоски на свеченоста, од урнатините на војната се роди идејата за европско обединување, посочувајќи, не како политички проект на бирократи, туку како цивилизациски завет – дека никогаш повеќе народите нема да се уништуваат меѓусебно. Европа на солидарност, вредности и принципи. А што се принципите ако не правила кои треба да важат за сите, норми кои треба да донесат просперитет и иднина?. Ние верувавме во тоа и сè уште веруваме дека Европа е нашиот единствен пат. Нашата татковина нема друга иднина и шанса за успех освен интеграцијата во Европската Унија. Но, исто така, да не се залажуваме – постои и горко искуство од многу откажувања, препреки и неразумни спорови на овој наш пат. Тоа силно и длабоко фрустрира, кога принципите се кршат токму врз грбот на оние кои бараат принципи и праведна шанса. Исто како што обесхрабрува и рамнодушноста на многу поголеми држави кон овие неправедни епизоди на нашиот народ и држава, рече Мицкоски.

Европа, нагласи, е верба во човековото достоинство, во демократијата, во владеењето на правото, во почитта кон различностите и во правото секој народ слободно да чекори по својот пат.

– Разбирам и дека Европа денес повторно се соочува со предизвици. Војни, поделби, радикализам, економска неизвесност и криза на доверба. Во време кога повторно се слуша јазикот на омразата, наша должност е да бидеме глас на разумот, стабилноста и единството. Мора да разговараме и да се обидуваме, затоа што само така можеме да дојдеме до решенија. Но не решенија, со кои ќе оставиме големи товари на нашите потомци, туку трајни решенија по кои ќе можеме да одиме напред, истакна Мицкоски.

Секој што ме знае добро, посочи премиерот, уверен е дека, колку и да постојат празнини и недржавничко однесување во нашиот политички естаблишмент, добро знае дека никогаш нема да правам пазар со идентитетот, со нашето достоинство, во замена за какви било лични или политички придобивки, какви што имало во нашата понова историја. Ниту ми паднало на ум такво нешто. Оваа моја позиција им пречи на неколкумина, но и тие знаат дека честа нема цена и дека никогаш нема да нанесам каква било штета на нашата држава, рече Мицкоски.

Поврзани теми:

топ|избор|еу|Премиер Христијан Мицкоски|ден на европа|Ден на победата над фашизмот

Повеќе на оваа тема:

Најнови вести од: Македонија

Мицкоски: Не смееме да дозволиме да се забори подвигот на загинатите борци! Нашите претци беа на вистинската страна на историјата, за разлика од окупаторите-„администратори“!

„Денес стоиме исправени пред историјата. Пред ден кој не е само датум во календарот, туку ден врежан во совеста на човештвото. Ден на победата над фашизмот. Ден кога светот покажа дека злото може да биде поразено, дека тиранијата не е вечна и дека слободата секогаш ја наоѓа својата сила во народите кои не се предаваат. Ние, Македонците, многу добро ја разбираме цената на слободата. Нашата историја не е историја на покорување, туку историја на отпор. Историја на луѓе кои, и кога биле малубројни, знаеле да бидат големи. Историја на генерации кои ја чувале идејата за своја држава, свој јазик, свој идентитет и свое достоинство.“ – порача и преку својот фејсбук-профил претседателот на Владата на Република Македонија Христијан Мицкоски по денешното одбележување на 9 мај, Денот на победата над фашизмот, кое се совпаѓа денес и со одбележувањето на Денот на Европа.

Николоски: Автопатот Охрид-Кичево ќе биде целосно готов до крајот на 2026 – Имавме попречување од финансиерот на објектот!

Автопатот Охрид-Кичево, кој е еден од најдолгите и најконтроверзни инфраструктурни проекти во државата, ќе биде целосно завршен до крајот на оваа или почетокот на следната година, најави вицепремиерот и министер за транспорт, Александар Николоски. Според него, проектот бил оставен во целосен застој, а Владата затекнала состојба без ниту еден метар асфалт и со сериозни проблеми во реализацијата и финансирањето.

Костадиновски: Не може да пропадне приватна компанија, за да земе некој плата во јавно претпријатие!

Претседателот на Уставниот суд, Дарко Костадиновски синоќа во гостувањето кај ТВ21 за предметот поврзан со долговите на јавните претпријатија  предупреди дека можната  одлука би имала сериозни последици врз државниот систем и економијата. – Последиците од нашата евентуална одлука можат да бидат катастрофални, дури и од катаклизмични размери, бидејќи долговите на јавните претпријатија се околу една милијарда евра – истакна Костадиновски.

Владата на Македонија ќе го одбележи 9 Мај – Денот на победата над фашизмот и Денот на Европа

Под слоганот „Победа, принципи и вредност“, денеска во дворот на Владата ќе се одржи свечена церемонија по повод 9 Мај – Денот на победата над фашизмот и Денот на Европа.

Единаесет години од антитерористичката акција во „Диво насеље“ во Куманово – откриена спомен-плоча и активности под мотото „Хероите живеат вечно“

На интернет-страницата на „Википедија“ е напишано: Во населбата „Диво насеље“ во Куманово на 9 и 10 мај 2015 година беше изведена полициската акција за разбивање на оружената терористичка група. Акцијата започнала рано утрината во 04:30 часот во саботата на 9 мај и траела речиси непрекинато 28 часа, сѐ до 10:00 часот во неделата на 10 мај. Акцијата завршила со победа на македонските специјални сили и целосно неутрализирање и елиминирање на терористичката група, од која дел ѝ се предале на македонските власти во текот на вечерта во саботата на 9 мај. Според македонското Министерство за внатрешни работи, станувало збор за една од најопасните терористички групи, а групата била закана за целиот регион и била вклучена во бројни напади, при што нејзините членови биле барани со меѓународни потерници. Околу триесетина членови на терористичката група се предале безусловно на полицијата, кои главно биле македонски државјани и еден албански државјанин. Меѓу кои биле и тројца од водачите Мухамед Красниќи, Сами Укшини и Дем Шеху. Од страна на македонските безбедносни сили загинале осум припадници на специјалните единици на македонската полиција, а биле повредени дури 37 други полицајци во уличните борби низ тесниот и густо населен урбан дел на приградската населба во Куманово. На страната на терористите на самото место биле пронајдени 14 мртви тела во униформи. Јавното обвинителство на Република Македонија покренало постапка за приведените во акцијата во Куманото веднаш по самото нивно приведување, откако МВР поднело кривична пријава до Основното јавно обвинителство за гонење организиран криминал и корупција против определен број лица за „терористичко загрозување на уставниот поредок и безбедност“. Од 37 обвинети за тероризам и терористичка организација, 33 луѓе беа осудени за делата а за четири лица е донесена ослободителна пресуда. За седуммина беше изречена казна од доживотен затвор

ВМРО ДПМНЕ: Филипче и СДС ѝ нудат на Софија уставни измени на брза лента! – Продавајќи „приказни за Европа“, исполнуваат странски агенди!

Филипче без сопирачки ѝ се додворува на Софија и нуди уставни измени на брза лента, подготвен е со СДС за национални отстапки. Венко Филипче е без грбник и со секоја своја изјава докажува дека за него и СДС не постојат никакви „црвени линии“ кога станува збор за националните интереси, реагира ВМРО ДПМНЕ.

Ајзенштетер: Денес само околу една третина од Чесите гледаат позитивно на ЕУ, а помалку од две третини признаваат дека членството во ЕУ ѝ користело на Чешка

Денес, само околу една третина од граѓаните на Чешка гледаат позитивно на ЕУ, а помалку од две третини признаваат дека членството во ЕУ ѝ користело на земјата. „Европската политика сè уште се сфаќа тука како странска.“ – објасни политикологот Петр Вајс. „Политичарите не ја објаснуваат, не обрнуваат внимание на неа, не ја разбираат. Ако политичката елита не разбира нешто, ниту јавноста не може да го разбере тоа.“ Сепак, и покрај сите нејзини согледани маани и несовршености, ЕУ донесе и јасни, опипливи придобивки за Чешка. Ова се нагласува во анализата со наслов „Дваесет и две години во ЕУ: постигањата и грижите на Чешка, но и она што следи“ на француско-британскиот новинар и политички аналитичар  Жил Ајзенштетер, која е објавена вчера на 8 мај 2026 година во еден од водечките чешки информативни портали „Експатс.цз“ по повод денешниот Ден на Европа, 9 мај.
Сите вести од Македонија

Најнови вести

To top