Лидерот на СДСМ, Венко Филипче, ја искористи какофонијата околу „средбата“ во Брисел меѓу министрите за надворешни работи на Бугарија и на Македонија, Велислава Петрова-Чамова и Тимчо Муцунски, за уште еднаш да се пресмета со власта.
„Имал, немал, официјална, неофицијална пораката од Петрова која што ја добил е јасна: ‘Бугарија има јасно изразен став, кој од 2022 година повеќе не е билатерално прашање, туку прашање за разговор меѓу Европската Унија и земја-кандидат. Овој прозорец за проширување може да се отвори во наредните години, и доколку не ја искористат оваа можност, навистина може да изгубат’“, објави Филипче на Икс.
„Без внесување на малцинствата во Уставот – кое е европско, а не бугарско прашање – нема напредок во ЕУ интеграциите. Вистината излегува на виделина. Правдата ќе победи! #ЕвропскаМакедонија“, порача тој.