Поранешниот унгарски премиер Виктор Орбан денеска беше реизбран за претседател на Унгарскиот граѓански сојуз (ФИДЕС) на 32. конгрес на партијата што се одржа во Будимпешта.
Орбан, кој беше единствен кандидат, ја доби довербата на делегатите на тајно гласање и беше избран за едногодишен мандат со 729 гласови од 737 важечки, објавува агенцијата МТИ.
Делегатите го усвоија извештајот на Националниот одбор и речиси едногласно прифатија документ во кој се анализираат причините за изборниот пораз на партијата.
Исто така, беше усвоена политичка резолуција со која се отфрла пактот на ЕУ за миграција и се протестира против она што беше опишано како „присилно отстранување на демократски избрани функционери“.
Со измените на Статутот се реорганизираше структурата на партијата ФИДЕС, која во иднина ќе биде усогласена со системот на локална самоуправа, и се прошири Националниот одбор на партијата на 28 члена.