Телевизискиот водител Богдан Илиевски му порача на бившиот европратеник Ангел Џамбаски да си ја земе терапијата по најновата провокација против Македонија од потпретседателот на ВМРО-БНД.
„Земи си ја терапијата Џамбаски. Резултатите се од јуни 2026 (на анкетата на „Евротинк“, во која за 74,2 отсто Бугарија е најголема закана за Македонија – н.з.). Таквите суртуци ко тебе се меѓу клучните фактори што нештата се онакви какви што беа на крајот на втората светска војна, бидејќи ваквото поведение неодоливо потсетува на окупаторскиот карактер на про-фашистичката власт во Бугарија“, реагира Илиевски на објавата на Џамбаски на Фејсбук: „Замислете само какво врескање ќе настане ако само предложиме ваков закон за обединување со Северна Македонија во бугарското Народно собрание“, откако Парламентот на Романија донесе закон за овластување на Владата „најитно што може“ да почне преговори за обединување со Молдавија.