Откако потпиша закон со кој драстично се намалува независноста на клучните антикорупциски институции, во Киев и други градови избувна бран протести, а од Европската Унија доаѓаат остри предупредувања дека оваа одлука може да го загрози европскиот пат на Украина.
Законот бр. 12414, кој го усвои украинскиот парламент, ѝ дозволува на владата да ги стави под надзор Националното биро за борба против корупцијата (НАБУ) и Специјалното обвинителство за борба против корупцијата (САПО).
Иако Зеленски го бранеше законот тврдејќи дека сака да се ослободи од руското влијание во „инфраструктурата за борба против корупцијата“, не беа презентирани конкретни докази за ова.
Неговото вообичаено вечерно видео обраќање, во кое го потврди потпишувањето на законот, беше пречекано со бура од реакции.
Платформите беа преплавени со пораки на разочарување, гнев и неверица. „Ја изгубивте довербата на народот“, напиша активистката Јулија Тимошенко.
Еден од коментарите со најмногу лајкови беше: „Вие повеќе не сте симбол на промени, вие сте проблемот“.
Протести избувнаа во Киев, Лвов, Днепар и Одеса – први од таков обем откако започна целосната руска инвазија во 2022 година.
Околу 1.500 луѓе се собраа пред претседателската канцеларија во Киев со транспаренти на кои пишуваше: „Срам“, „Ние сме моќта“, „Предавник на Украина“ и „Вето на законот“. Еден натпис гласеше: „Дали сте нормални?“
Активисти, поранешни советници на Министерството за одбрана, ветерани и членови на граѓанското општество отворено го споредуваат Зеленски со Виктор Јанукович, соборениот претседател кој се обиде со сила да ги потисне проевропските протести во 2014 година.
„Дали ни треба нов Мајдан?“, праша коментаторот Оља Висоцка.
Мандатот на украинскиот претседател мистече лани во мај, а нови избори ннема поради војната….