Минимална инфлација од 0,1 насто е измерена во јули. Стапката продолжува да забавува и се спушти на 2,3 насто на годишно ниво. Економистите очекуваат дополнително намалување на инфлацијата, но цените што се формираа во текот на кризните години нема да се спуштат под достигнатиот праг.
Летото и зелените пазари, вообичаено, имаат делотворно дејство врз инфлаторните движења. За граѓаните најчувствителен сегмент е храната, но токму кај оваа група, која во изминатите години беше главен двигател на инфлацијата, притисоците се намалуваат. Цените во групата храна и безалкохолни пијалаци во јули се повисоки за 1,1 насто споредено со истиот месец лани. Сепак, на месечно ниво се поевтини за 1,1 отсто.
„Инфлацијата во Македонија продолжува да забавува, во јули изнесува 2,3 проценти на годишна основа. Падот на годишната стапка на инфлација за 3,4 процентни поени во периодот од април до јули e навистина значаен, остварен во кратко временски период, а во јули стапката на инфлација во Македонија е под просекот на еврозоната.
Во јули 2026 година, во однос на јуни 2026 година, намалување на трошоците на животот е забележано во групите: покуќнина, опрема за домаќинствата и редовно одржување на домаќинствата за 1,4 проценти, храна и безалкохолни пијалаци за 1,1 проценти, облека и обувки за 0,2 проценти, информации и комуникации и здравствена заштита за 0,1 процент.