Македонија

По полноќ дизелот поскап за 6,5 , бензините по 4,5 денари

ЕУРОДИЗЕЛ БС (Д-Е V) од утре ќе чини 98 денари за литар

1 минута за читање

Регулаторната комисија за енергетика(РКЕ) донесе одлука со која малопродажните цени на нафтените деривати во просек се зголемуваат за 4,85 проценти.

Бензините ЕУРОСУПЕР БС-95 и ЕУРОСУПЕР БС-98 поскапуваат за 4,50 денари за литар.

Со покачувањето, кеа стапува во сила вечерва во 01 часот по поноќ, литар 95-октански бензин ќе се продава по максимална цена од 91,50 денари, додека 98-октанскиот бензин ќе чини најмногу 93,50 денари.

Нај поскапува дизелот, ЕУРОДИЗЕЛ БС (Д-Е V) чија цена се зголемува за 6,50 денари за литар и и ќе чини 98 денари за литар.

Екстра лесното масло за домаќинство поскапува за 6 денари и неговата максимална малопродажна цена ќе изнесува 98,50 денари за литар.

Кај мазутот, зголемувањето е 0,188 денари за килограм, па новата максимална цена ќе изнесува 43,726 денари за килограм.

Од РКЕ објаснуваат дека поскапувањето е резултат на повисоките референтни цени на нафтените деривати на светскиот пазар.

РКЕ информира дека продолжува примената на намалена акциза од 2 денари за литар кај бензините ЕУРОСУПЕР БС-95 и БС-98, како и намалена акциза од 4 денари за литар кај ЕУРОДИЗЕЛ.

Поврзани теми:

актуелно|бензини|РКЕ|дизел

Повеќе на оваа тема:

Најнови вести од: Македонија

Виничанецот Јован Костадинов (20), кој спаси 21 живот во смртоносната трагедија во „Пулс“ во Кочани, добитник на шведската награда „Младинска храброст“ за 2026!

Академијата „Раул Валенберг“, во соработка со Шведскиот институт и амбасадите на Шведска, со гордост ги објави овогодишните добитници на “Наградата за младинска храброст“ („Young Courage Award“). Меѓу годинашниве добитници на таа меѓународна за 2026 е и Јован Костадинов од Виница, кој спаси 21 живот во трагичниот пожар во дискотеката во Кочани.

Велјановски: Продолжува инвестицискиот циклус во Македонија, која станува попривлечна за долгорочни, стратегиски и технолошки напредни вложувања!

„Џаво Отомотив“ во Тетово, „Чагатај Кабло“ во Скопје, „Avesta Battery and Energy Engineering“ во Кичево се новите инвестиции за посилна македонска економија. Покрај компаниите, кои веќе работат и создаваат нова вредност, во периодот што следи ќе се реализираат нови значајни инвестиции. Напоредно Владата води преговори со нови компании, кои имаат интерес да инвестираат во Македонија, истакна на денешната прес конференција Александар Велјановски, пратеник на ВМРО-ДПМНЕ.

Клековски: В четврток ќе биде објавен епидемиолошкиот извештај за Гостивар, ништо нема да биде премолчено

Одговарајќи на новинарски прашања за епидемијата во Гостивар, министерот за здравство Сашо Клековски рече дека Министерството ќе го објави епидемиолошкиот извештај на 20 август нагласувајќи дека целта е од оваа епидемија да се излезе отворено и јасно со научени лекции.

Партијата на Али Ахмети е против идентификациската одредница „Македонска“ за АРМ и вели „не е имот само на македонската етничка заедница“?!

„На Денот на Армијата на Република С.Македонија Министерството за одбрана официјално ја воведе како ‘Македонска армија’. Во уставниот поредок, дефиницијата ‘Македонец’ е поврзана само со етничкиот идентитет на македонскиот народ, додека официјалното име е Армија на Република С.Македонија. Таа им припаѓа на сите граѓани и на сите заедници што ја сочинуваат државата.“  – наведува партијата на Али Ахмети во своето соопштение, во кое реагира во врска со идентификациската одредница „Македонска“ за Армијата на Република Македонија.
Сите вести од Македонија

Најнови вести

To top