Поранешниот советник за национална безбедност на САД, генерал-потполковник Мајк Флин, објави на платформата X видео за кое тврди дека претставува таканаречен „hot mic“ (жежок микрофон) момент со украинскиот претседател Володимир Зеленски.
Во објавата Флин напиша:
,,ГЛЕДАЈТЕ ГО ОВА!
МОМЕНТ СО ВКЛУЧЕН МИКРОФОН.
Ние го финансираме ова ѓубре и тоа мора да престане ВЕДНАШ!
Само погледнете го лицето на Зеленски – тоа кажува сè што треба да знаеме за овој губитник кого го поддржуваме.
„Биди благодарен!“ – изгледа дека премиерот на Норвешка и претседателот на Финска му даваат упатства на Зеленски пред неговата средба со Стив Виткоф. Тие знаат дека, ако го изнервира, Трамп би можел да престане со испраќање средства и оружје, а последното нешто што тие го сакаат е војната во Украина да заврши”.
Видеото, кое трае околу една минута, покажува Зеленски заедно со премиерот на Норвешка и претседателот на Финска во просторија со знамиња. Според титловите во клипот, европските лидери му велат на украинскиот претседател дека „Украина треба да биде благодарна“ и му даваат совети пред претстојната средба со Стив Виткоф, близок соработник на Доналд Трамп.
Флин ja толкува снимката како доказ дека европските сојузници го поттикнуваат Зеленски да биде внимателен за да не го изнервира американската страна и да не ризикува прекин на воената и финансиската помош.
Објавата на Флин за кратко време собрала десетици илјади лајкови и над еден милион прегледи и предизвика бурни реакции кај неговите следбеници, кои ја гледаат како потврда за нивните критики кон продолжувањето на американската поддршка за Украина.
Генерал Мајк Флин моментално е претседател (Chairman) на непрофитната организација America’s Future, каде што се фокусира на правни битки за зачувување на воените стандарди, уставниот авторитет и националната безбедност на САД (вклучувајќи противење на трансродови лица во војската). Истовремено е претседател на Gold Institute for International Strategy.
Активен е како јавен говорник, често настапува на настани поврзани со про-Трамп круговите и среднорочните избори во 2026 година, пишува на својот Substack и е многу активен на X. Има канцеларија во Вашингтон и одржува контакти со високи претставници на администрацијата.
<blockquote class=”twitter-tweet”><p lang=”en” dir=”ltr”>WATCH THIS!
HOT MIC MOMENT.
We’re funding this POS and that must end NOW!
Just look at Zelensky’s face, says everything we need to know about this loser we’re supporting.
“Be grateful”! Norway Prime Minister and Finland President appear to be instructing Zelensky before his meeting with Steve Witkoff. They know if he pissed him off, Trump might stop supplying funds and weapons and the last thing they want is to end the war in Ukraine.</p>— General Mike Flynn (@GenFlynn) <a href=”https://x.com/GenFlynn/status/2113034508278665344?ref_src=twsrc%5Etfw”>October 21, 2026</a></blockquote>
<script async src=”https://platform.x.com/widgets.js” charset=”utf-8″></script>