Денес, во Букурешт, Романија, во рамки на Парламентарното собрание на Централноевропската иницијатива (ЦЕИ), македонската пратеничка Рашела Мизрахи е избрана за претседавач на Генералниот комитет за културни прашања.
,,Голема чест и одговорност е да се преземе оваа функција, која отвора можност за продлабочување на парламентарната соработка и афирмирање на културата како важен фактор за поврзување на државите и народите”, објави Мизрахи.
Таа најавува дека продолжува со посветена работа, дијалог и заеднички иницијативи за културата да биде уште посилен мост меѓу нашите земји.