Бизнис

Државната помош не смее да е товар на јавните финансии, туку инвестиција во одржливиот раст

Во државава недостига централизирање на државната помош, таа се води во разни институции, а тоа го отежнува управувањето со овие пари. Затоа е неопходно брзо да се направи централен регистар за државна помош, со широка палета програми што се нудат и на тој начин не само што ќе се подигне транспарентноста, туку и ќе може подетално да се мерат ефектите од таа помош.

2 минути за читање

Секој денар од буџетот мора да има економска оправданост и развојна цел. Нашата фискална политика се темели на фискална консолидација и забрзан економски раст. Овие цели не се спротивставени, туку се меѓусебно поврзани – рече министерката за финансии, Гордана Димитриеска-Кочоска. Во обраќањето на панел-дискусијата „Зајакнување на управувањето со државната помош во Западен Балкан: транспарентност, ефективност и усогласување со ЕУ“,  таа рече дека фискалната дисциплина значи намалување на непродуктивните трошоци и насочување на средствата таму каде што ќе создадат најголема додадена вредност. Во таа рамка, додаде, државната помош е инструмент, кој мора да биде внимателно дизајниран, таргетиран и континуирано оценуван.

  • Државната помош не смее да биде товар врз јавните финансии, туку инвестиција во конкурентноста и одржливиот раст. Таа опфаќа разни области и значаен обем на средства. Според податоците на Комисијата за заштита на конкуренцијата, во 2023 година државната помош изнесувала 206 милиони евра или речиси 1,5% од БДП, а во 2024 година достигнала 235,2 милиони евра или 1,52% од БДП. Овие износи ја нагласуваат важноста на овој инструмент, но уште повеќе ја потенцираат потребата од високо ниво на транспарентност и отчетност. Економските показатели покажуваат дека поддршката за инвестиции има позитивни ефекти врз економската активност – рече Димитриеска Кочоска.

Според неа, 5 квартали по ред бележиме стапки на раст од речиси и над 3%, при што во третиот квартал од 2025 година растот достигна 3,8%. Бруто-инвестициите во истиот период пораснаа, како што истакна, за 30,6%, пред сè како резултат на зголемената активност на приватниот сектор.

  • Владата, покрај мерките за државна помош, обезбеди 250 милиони евра поволни средства за поддршка на инвестициски проекти на компаниите, како и дополнителни 250 милиони евра за капитални проекти во општините, со што се поттикнува економската активност и се обезбедува порамномерен регионален развој -рече таа.

Панелот, чија цел е да се укаже на значењето на државната помош, го организира Институтот за економски истражувања и политики Finance Think, а присуствуваат претставници на академската и бизнис-заедницата, претставници на институциите од земјите на Западен Балкан, претседатели и членови на комисии за заштита на конкуренцијата, како и претставници на меѓународни партнери.

Поврзани теми:

топ|избор|влада|евра|пари|државна помош|финансии|Кочоска

Повеќе на оваа тема:

Најнови вести од: Бизнис

Дебата: Како Македонија ја издржува кризата и обезбеди раст на економијата?!

Глобалната економија и понатаму е под голем притисок. Геополитичките тензии, високите цени на енергијата, проблемите во глобалната трговија и поскапото финансирање оставаат последици и врз земјите од Западен Балкан, а со тоа го стеснуваат и просторот на владите за реакција кога ќе дојде нова криза, рече министерката за финансии, и порача дека државата мора навреме да си создаде простор за маневрирање, наместо да го бара дури кога ќе избувне кризата.

Ако не потпишат нов договор, корисниците мора да се иселат – Нов рок за откуп на државните станови

Право да поднесат барање за докуп на станот, промена на сопственоста, како и за закуп имаат граѓаните кои живеат во објекти доделени од државата по разни основи, како што се експропријација на имот, уривање на станбени згради или поради тоа што нивните претходни домови биле руинирани и склони кон паѓање. Тие треба да имаат договор за времено користење на станот потпишан пред 16 мај 1998 година.

Успешниот домашен модел ја зацврстува регионалната експертиза: ЕОС Матрих се проширува во Косово

По успешното позиционирање на секундарниот финансиски пазар во Македонија и долгогодишното искуство во управувањето со побарувања и откупот на портфолија, ЕОС Матрих го прави следниот чекор во регионалната експанзија со обновување на активностите на пазарот во Косово. Проширувањето на активностите следува по усвојувањето на новиот Закон за банки на Косово, со кој се креираа услови за примена на современи методи и експертиза за управување со побарувања и откуп на портфолија од нефункционални кредити.

До 80 години отплата и животно осигурување на трошок на банката – нов кредитен пакет за пензионери од АЛТА банка

Со можност за отплата до 80 години старост и ризико животно осигурување целосно на трошок на банката, АЛТА банка отвора повеќе простор за личните планови, избори и финансиска сигурност на пензионерите преку новата платформа „ЗА ВАС.“

Божиновска за грчки “Енерџи Гејм”: Македонија станува клучна гасна раскрсница на Балканот

Енергетски центар за снабдување на Југоисточна Европа е новата улога што министерката Сања Божиновска ја најавува за Македонија по приклучувањето кон Вертикалниот коридор. Договорот беше потпишан на 4 септември во Солун, но патот од политички меморандум до гасна раскрсница зависи од изградбата на две клучни врски со Грција и Србија.

ММФ отвора центар за техничка помош за земјите од Западен Балкан и Молдавија

Меѓународниот монетарен фонд ќе отвори нов центар за техничка помош во Рим, наменет за земјите од Западен Балкан и Молдавија, со цел да им помогне во спроведувањето на реформите и зајакнувањето на институционалните капацитети во процесот на пристапување кон Европската Унија. Директорката на ММФ, Кристалина Георгиева, оцени дека проширувањето на ЕУ повторно се наоѓа високо […]
Сите вести од Бизнис

Најнови вести

To top