Бизнис

Кога ќе им се вратат парите на компаниите од солидарниот данок?!

Добар дел од компаниите се согласија враќањето на солидарниот данок да биде на две рати, тоа е март 2026 и март 2027. Обрасците се подготвени, спремни, Управата за јавни приходи во најкраток рок сето тоа треба да го објави на нивната страна, така што очекуваме, еве го март, за отприлика некаде два месеци првиот дел или првата половина од износот на солидарниот данок компаниите да го добијат назад, велат од Владата.

3 минути за читање

Данокот на солидарност државата ќе им го враќа на компаниите на две рати, од кои првата ќе биде исплатена во март годинава, другата во истиот месец догодина. Ова го потврди министерката за финансии Гордана Димитриеска-Кочоска, која рече дека најголем дел од компаниите се согласиле на ваквата динамика на исплата. За потсетување, државата треба да им враќа пари на дел од компаниите откако во февруари лани Уставниот суд го поништи Законот за солидарен данок што беше воведен од претходната влада како еднократна, вонредна јавна давачка за 2023 година. Овој данок го плаќаа компаниите кои во 2022 година оствариле вкупен приход поголем од 615 милиони денари (околу 10 милиони евра).

Целта беше да се соберат средства за ублажување на последиците од енергетската криза во тој период. Со поништувањето на Законот за данок на солидарност државата од буџетот ќе треба да врати околу 49,2 милиони евра на 156 компании, кои ја платиле оваа давачка согласно сега веќе поништениот Закон.

Министерката за финансии изјави дека конечните листи се веќе направени, обрасците се подготврни и Управата за јавни приходи треба во најскор можен рок да ги објави на својата веб-страница.

  • „Најголемиот дел од компаниите се согласија враќањето на солидарниот данок да биде на две рати, тоа е март 2026 година и март 2027 година. Обрасците се подготвени, спремни, Управата за јавни приходи во најкраток рок сето тоа треба да го објави на нивната страна, така што очекувам, еве го март, за отприлика некаде два месеци, првиот дел или првата половина од износот на солидарниот данок компаниите да го добијат назад“, смета Димитриеска-Кочоска.

За дел од компаниите кои не се согласиле солидарниот данок да биде исплатен на две рати, министерката рече дека не е пресметано за колкава сума станува збор за нив, бидејќи имаат намера уште еднаш да разговараат, а за тоа, како што кажа, до март „има време и простор да се убедиме“.

Димитриеска-Кочоска беше прашана и што планира Министерството за финансии да прави откако Уставниот суд го поништил Законот за минимален глобален данок на добивка. Таа одговори дека првпат слуша оти е поништен овој Закон, но, ако такво нешто навистина се случило, тоа би било голема штета за државата. Целта на Законот за минимален глобален данок, како што кажа денеска министерката, е да не избегаат парите на странските компании коишто имаат свои претставништва и производствени капацитети во земјава.

  • „Целта на минималниот глобален данок е да не избегаат парите и компаниите да ги платат во нивните матични земји, туку да ги платат тука. Значи компаниите не можат да избегаат од обврската да го платат тој данок. До овој момент немам информација дека е укинат, ниту било што друго, затоа што тоа е нешто што се воведе, би рекла, на светско ниво, ОЕЦД (Организација за економска соработка и развој) го спроведуваше и морам да кажам дека тука направивме закон идентичен како во сите останати земји. Дури и подзаконските акти ги носевме речиси на крајот на годината од причина што чекавме и другите земји да ги подготват подзаконските акти, бидејќи и мала разлика во законот или во подзаконските акти може да значи дека државата во која некоја компанија има седиште на фирмата мајка, доколку има различна пресметка на данокот од нашата, тие ќе си платат таму, односно разликата ќе ја платат таму“, рече министерката.

Поврзани теми:

финансии|ДДВ|исплата|солидарен данок|поврат на средства|топ|пари|данок|фирми|компании

Повеќе на оваа тема:

Најнови вести од: Бизнис

УЈП апелира да се користат само нејзините официјални насоки за проектот е-Фактура

УЈП ги повика сите компании кои досега не се вклучиле, а кои развиваат и одржуваат системи за фактурирање, како и компаниите кои користат системи за фактурирање што може да ги надградуваат, веднаш да се вклучат во тестирањето.

(Видео): Рекордна реализација на капиталните инвестиции до сега

Паралелно се работи на сите автопатски делници низ државата, со посебен фокус на проектите што ги реализира конзорциумот „Бехтел и Енка“, дека интензивно напредуваат и железничките проекти со сериозни подготовки за изградба на брзата пруга, додека автопатот Охрид–Кичево конечно се очекува да ја добие својата завршница до крајот на годината.

(Фото): Со изградбата на далноводот Битола-Елбасан се поврзуваме со соседните електроенергетски системи

Електроенергетското поврзување меѓу Македонија и Албанија добива втора шанса. Поставен е камен темелникот на 400 киловолтниот далекувод Битола–Елбасан. Токму со овој проект започнат од 2014 година започна и емисијата Бизнис 21- Истражувањето каде завршија 50 милиони евра за нашето енергетско поврзување со Албанија.

Ќе се јаде скапо јагнешко месо – сточарите го даваат евтино, трговците го продаваат прескапо

Велигденската трпеза и годинава ќе биде сè поскапа. Ниската откупна цена на јагнето нема да ја намали цената на јагнешкото во пресрет на празниците. Одгледувачите на јагниња велат ако не се државните субвенции ќе бидат во загуба.

Кризата ќе ги помати очекувањара за растот на македонската економија?! Што прогнозира ММФ?!

ММФ препорачува да се подобрат перформансите на државните претпријатија што е од суштинско значење за да се обезбеди ефикасност на распределбата на јавните ресурси и да се ограничат фискалните ризици.

ММФ за Народна банка: Стратегиска модернизација на монетарната политика и одржување на стабилноста на финансискиот систем

ММФ искажува задоволство и од посветеноста на усогласувањето на домашната регулатива со европските стандарди, што ќе придонесе за натамошно јакнење на супервизијата, решавањето банки и на целокупната финансиска стабилност.

Народна банка внимателно ги следи светските ризици и е подготвена за соодветно реагирање

Гувернерот Славески нагласи дека Народната банка, како носител на монетарната политика, постојано ги оценува големината, природата и влијанието на шоковите на домашната економија. Според него, за да се изгради отпорност, потребни се кредибилна монетарна политика и ефикасни макропрудентни мерки со цел да се задржи макроекономската стабилност и стабилноста на банкарскиот систем.
Сите вести од Бизнис

Најнови вести

To top