Продуктивноста на трудот на работниците на тест за издржливост. Според Меѓународната организација на трудот, Македонскиот работник е двојно попродуктивен со поголема економска вредност од платата што ја добива. Од Сојузот на синдикати со став, индикаторот за БДП по одработен час во Македонија е 34 долари, што е над светскиот просек од 23,27 долари. Тоа, според нивните пресметки значи дека работник кој зема минималец добива само 17% од вредноста што ја создава.
Бизнисот ја користи непродуктивноста како изговор за незголемување на минималецот, вели првиот човек на Конфедерацијата на работодавачи.
- „Одговорно тврдам дека непродуктивноста се користи како флоскула за незголемување на минималната плата – дека работодавачите не знаат, ама мора да научат што значи продуктивност“, вели во интервју за РСЕ Миле Бошков од Конфедерацијата на работодавачи. Посочува дека се единствените од бизнис секторот кои не ја проблематизираат продуктивноста на македонските работници. Освен 50-тина компании во земјава, останатите воопшто и немаат воведено одредени стандарди за мерење на продуктивноста, вели тој.
Според економистите, примамливо звучи примањата да се зголемат за 50%, но ако тоа не е покрепено со зголемана продуктивност, ќе има негативни ефекти во економијата.
- Упорноста на инфлацијата што ја видовме во текот на 2025, и особено во втората половина од 2025 во голема мера може да се препише на пензиите којашто беше предизвикана од ад-хок зголемувањата. Во кумулатив тие изнесуваа, сега со март ќе изнесуваат 8.000 денари по пензионер. Значи, тоа кога ќе го поможните по бројот на пензионери годишно добивате бројка што е на 200 милиони евра годишно повеќе во економијата. Што гледано од индивидуална перспектива е позитивно, секој е задоволен со повеќе примања, меѓутоа, тоа е главната причина зошто инфлацијата не можевме да ја собориме побрзо од ова што е ситуација сега. Значи, ако зборуваме од тој обем по работник, а работници имаме дупло повеќе од пензионери, тогаш можете да замислите каков притисок ќе направи врз инфлацијата, вели Марјан Петрески од Фајнанс тинк.
Продуктивноста на работниците најмногу зависи од условите на работното место. Државната статистика објави дека месечната инфлација во јануари се намалила за 0,7%, што според стопанството е добар индикатор, иако на постојат ризици, како домашни, така и глобални.