Бизнис

(Видео): Од заборавени проекти, сега имаме автопати по кои граѓаните возат, вели Николоски

Вицепремиерот и министер за транспорт Александар Николоски на својот фејсбук профил објави видео од дел од автопатот Охрид – Кичево кој беше пуштен во сообраќај.

Имаме одлично силна градежна активност насекаде низ државата. Го пуштивме во сообраќај и вториот дел од автопатот Кичево-Охрид, во должина од 17 км на потегот од Климештани до Охрид, со силна динамика работиме и на изградба на автопатите од Тетово до Гостивар и од Гостивар до Букојчани. Очекувам првиот дел од автопатот од Прилеп до Битола да го пуштиме во сообраќај веќе следната година, изјави вицепремиерот и министер за транспорт Александар Николоски.

Тој потенцира дека од заборавен и целосно напуштен проект, со изборот на Владата на ВМРОДПМНЕ, изградбата на автопатот од Охрид до Кичево се одвива со силна динамика и резултатите се видливи каде за два месеци се пуштени 34 километри за сообраќај.

  • „Ние решивме да го изградиме и еве за помалку од два месеци втора делница од автопатот пуштаме. Во јули месец ја пуштивме делницата од Врбјани до Ботун во должина од 20 километри од кои 17 активно се користат. Сега го пуштивме делот од Климештани до Охрид и со поврзувањето до аеродромот Св.Апостол Павле и исклучокот за Струга во должина од 17 км, веќе 34 км на автопатот се користат. Останатите 22 км очекуваме сукцесивно да ги пуштаме од месец октомври до крајот на следната година. За разлика од сега, минатата година се соочивме со проект кој што не постоеше, практично немаше проект“, изјави вицепремиеорт Николоски.

Во делот на автопатите Тетово – Гостивар и Гостивар – Букојчани, вицепремиерот потенцираше дека проектите се реализираат со планираната динамика. Како што најави очекува почетокот на 2029 година да има целосно автопатско и експресно поврзување од ГП Деве Баир до ГП Ќафасан.

  • „Обиколница на Крива Паланка ја почнавме, од Крива Паланка до Страцин веќе имаме експресен пат, во моментов со ЕУ преку “Планот за раст” работиме од Страцин до Куманово исто така на експресен пат. Таму експропријацијата е завршена, сега треба со ЕУ да се договориме за процесот на избор на Изведувач. Од Куманово до Скопје има автопат, има и Обиколница на Скопје која не е во добра состојба, следната година целосно ќе ја реконструираме. Скопје -Тетово веќе постои автопат, Тетово -Гостивар се гради, Гостивар -Букојчани се гради, Букојчани до Кичево до 30 септември очекуваме понуди, Кичево – Охрид го работиме, така што воопшто не е нереално да очекуваме крај на 2028, почетокот на 2029 година од ГП Деве Баир до ГП Ќафасан да имаме автопатско односно експресно решение“, изјави вицепремиерот Николоски.

Оптимизам гледа и во изградба на автопатот од Прилеп до Битола, каде најави дека првите 11 км се очекува да бидат пуштени во сообраќај следната година, односно до втората половина на 2027 година целосно да биде завршен тој автопат.

Во однос на автопатот Скопје – Блаце исто така најави дека оваа есен ќе се избере Изведувач заедно со Европската банка за обнова и развој со што ќе започне изградбата и на овој автопат.

https://www.facebook.com/reel/789731286931501/

Најнови вести од: Бизнис

Маск: Работата ќе стане хоби, ВИ ќе ги замени сите работни места

Американскиот претприемач и најбогат човек во светот, Елон Маск, денес на својата социјална мрежа X изјави дека вештачката интелигенција (ВИ) и роботите на крајот ќе ги заменат сите работни места, правејќи ја работата прашање на личен избор, а не неопходност.

Препукувања во М-НАВ: Кој е во право за штрајкот на 20-ти октомври?!

Претседателот на ССКЛ, Александар Тасевски, изјави дека Синдикатот има целосно право да организира штрајк, добиено со овластување од гранковиот синдикат, а целата постапка е спроведена регуларно, за што рече дека постои и соодветна документација.

АЛТА Банка со над 93% од акциите на Стопанска Банка АД Битола

Заедно со претходните акции кои ги поседувала АЛТА Банка, сега таа е сопственик на над 93 проценти од издадените акции, или поточно 93,2571 отсто од вкупниот број на акции. АЛТА Банка е сопственик на 364.614 обични акции од вкупно 390.977 обични акции издадени од Стопанска банка Битола.

Живот на кредит – за што најмногу се задолжуваат граѓаните на Македонија?!

Вкупните депозити, на годишно ниво, во септември бележат раст од 13,2%, и се должи на растот на депозитите на двата сектора, којшто е поизразен кај секторот „домаќинства“. Вкупните кредити, пак, имаат раст од 13,5%, и во поголем дел произлегува од зголемените кредити на корпоративниот сектор, при раст и на кредитирањето на секторот „домаќинства“, соопшти Народната банка.

Замрзнат имот во Србија и Македонија на осомничен за злоупотреби во „РЕК Битола“

Основното јавно обвинителство Битола, преку Канцеларијата за поврат на имот во државното Јавно обвинителство, упати итно барање до надлежните органи на Србија за замрзнување имот – 10 нови товарни и приклучни возила набавени во 2025 за правно лице со седиште во Белград за кое е утврдено дека има сопственичка поврзаност со битолскиот бизнисмен Борче Марковски, кој е осомничен и е во притвор за злоупотреби во РЕК „Битола“ со јавни тендери, поврзано со истрагата од 9 октомври годинава.

Македонскиот работник е попродуктивен европскиот, ама за 1/3 од неговата плата

На Македонија ќе и биде потребен половина век за да го достигне животниот стандард на Европската унија. Здружението ЗМАИ нотира неповолно рангирање во образованието и животната средина. Платата треба да расте заедно со продуктивноста, која кај македонскиот работник е поголема од онаа на европскиот.

To top