Хроника

Финансиска полиција: Тројца осомничени за измама за околу 300 илјади евра, кои ги „переле“ преку пилешки копани!

Управата за финансиска полиција до Основното јавно обвинителство за гонење на организиран криминал и корупција поднесе кривична пријава против пет физички лица и две правни лица, поради постоење основи на сомнение за сторени кривични дела „Перење пари и други приноси од казниво дело“, „Измама“ „Фалсификување или уништување деловни книги“ и „Даночно затајување“.

Првопријавениот Д.К., во својство на сопственик на правен субјект од Скопје, во текот на 2022 година, со намера да прибави противправна имотна корист за себе и за правното лице, довел и одржувал во заблуда правен субјект од Република Словенија, со кој во име на правното лице склучил Договор за купопродажба на железнички пруги во вкупна вредност од 21.667.680 денари. По добиените авансни уплати од 283.310 евра, односно 17.423.564 денари, не ја испорачал договорената стока, ниту ги вратил средствата, со што на оштетениот му била причинета штета во наведениот износ.

-Со намера да го прикрие изворот и локацијата на паричните средства кои потекнуваат од кривичното дело, пријавениот Д.К., заедно со пријавениот Ф.Н., во својство на управител и овластен потписник на сметката на пријавеното правно лице, потпишале налог со кој трансферирале 16.762.410 денари од сметката на правното лице во корист на правно лице од Штип, за плаќање на фиктивна фактура за наводна набавка на пилешки нозе/батаци. Потоа, преку фиктивен договор за цесија, средствата биле префрлени на сметката на Х.Р., информират од Финансиката полиција.

Пријавената Ф.М., пак, како овластен сметководител, не ја евидентирала Х.Р. како нов доверител и дополнително извршила сметководствено прикривање на трансакциите, така што средствата ги евидентирала како негативни книжења на картичката на купувачот. На овој начин, со цел да се прикријат трагата и потеклото на средствата прибавени со кривично дело, пријавените ги прикриле наведените трансакции и не ги прикажале во Даночниот биланс за 2022 година.

– Д.М., како овластен потписник на сметката на пријавеното правно лице од Штип, непосредно по уплатата по фиктивната фактура, реализирала електронски налог со кој средствата ги префрлила на сметката на Х.Р., со намера да се прикрие нивното потекло и локација, од каде пријавениот Д.К., како овластено лице на сметката на Х.Р., средствата прибавени со кривично дело ги конвертирал во девизи, а потоа дел од нив ги подигнал во готово, а дел ги искористил за купување возило, појаснуваат од Управата за финансика полиција.

Дополнително, Ф.Н., како управител на пријавеното правно лице од Скопје, во текот на 2022 година не го уплатил персоналниот данок на доход во износ од 1.885.370 денари за исплатените средства кон Х.Р., согласно договорот за цесија, а пријавената Х.Р. не го пријавила остварениот приход во Годишната даночна пријава за персонален данок на доход за 2022 година.

Најнови вести од: Хроника

Приведен 18-годишник поради сомнение за лажна дојава за бомба во гимназијата „Кирил Пејчиновиќ“ во Тетово

На 17.11.2026 во периодот од 05:45 до 07:25 часот, полициски службеници од Секторот за борба против тероризам, насилен екстремизам и радикализам при ОСОСК, во содејство со полициски службеници од Секторот за компјутерски криминал и Полициското одделение Жеровјане при СВР Тетово, извршиле претрес во дом и помошни простории кај А.Д.(18) во с.Радиовце, тетовско, поради сомнение за сторено кривично дело лажна дојава за бомба во гимназијаts „Кирил Пејчиновиќ“ во Тетово.

На 27 ноември почнува судењето против Кристијан Корабоски (31), обвинет за претепувањето на Сара Ѓорѓиеска од Охрид

На Корабоски му е определен 30-дневен притвор откако против него беше поднесено обвинение за телесна повреда, противправно лишување од слобода и загрозување на сигурноста.

Раководител во Дирекцијата за заштита и спасување фатен со поткуп од 500 евра!

Полициски службеници од Одделот за сузбивање на организиран и сериозен криминал при БЈБ спровеле полициска акција во која е лишен од слобода раководител на сектор во Дирекцијата за заштита и спасување, осомничен за примање поткуп, неофицијално дознава Курир.

„Мислеше дека е мртва и сакаше да се ослободи од нејзиното тело“, тврди мајката на претепаната девојка во Охрид

Најголемата среќа во целата оваа трагедија е што Сара дошла при свест пред напаѓачот да успее да ја однесе и да ја фрли во некоја провалија. Токму затоа, кога сфатил дека таа се освестила, ја фрлил на улица“, наведува мајката

To top