Бев осуден по 9 години за „Рекет“ и „Меѓународен сојуз“, како масовен убиец, како терорист, вели осудениот за економски криминал и за рекет, Бојан Јовановски – Боки 13 во својот поткаст.
„И да сум сторил економски криминал, за кои јас денеска, и едниот и другиот случај ги негирам како дела, 9 + 9 не се запаметени“, вели Јовановски.
Вели дека нема да оди во затвор се уште, зошто не е правосилно осуден.
„Ова не е правосилна пресуда, ова е првостепена пресуда која има право на жалба. Имаме право на правни лекови кои се пред нас. Од таа причина ви велам, не одам во затвор, тука сум, функционален сум“, посочува Боки 13.
Обвинува за измислено обвинение од страна на поранешната обвинителска и шефица на обвинителството за гонење на организиран криминал и корупција, Вилма Русковска.
„Битие на кривично дело, доказ, не постои. За да ги сториш овие дела, треба да имаш прво умисла и намера тоа да го сториш. Тука се велеше дека имаме „наводен проект“, а се покажа дека имаме реален проект. Потоа, дека се користени лажни факти, а тие се вистините факти – имаме милион докази кои и на првичната и во повторената постапка беа презентирани, но судот не ги ценеше. При укинувањето на пресудата, имаше конкретни напатствија, да се утврди кој е оштетен, но и дали обвинетите со така преземени дејствија ги исполниле битијата на опишаните кривични дела и дали има елементи за кривичен прогон“, рече Боки 13.
Рече дека и на повторената постапка судела истата судијка – Софче Гавривола Ефремова која судела и на првата постапка, а која на воведните зборови кажала дека има оформено мислење за него и дека побарала од експретседателот на Кривичен суд, Иван Џолев побарала да биде изземена затоа што имала оформено мислење.
„Замислете, таква судијка ти дава прво 9 години, а на повтореното судење дава 5 години. Зошто го сменила мислењето“, додаде тој.
Боки 13 вели дека немал никаква намера да ги оштети бизнисмените за што беше осуден, со став дека имал такви докази, кои обвинува дека судот не ги ценел. Смета дека судијата кој веќе еднаш го осудил, нема да донесе поинаква одлука поради суета.
„Пред судот беа презентирани моите комуникации со лицето Зоран Заев, кој директно со мене учествувал на темите старечки домови и работа на Меѓународен сојуз. Учествувал во активна работа и изнаоѓање решенија за „Меѓународен сојуз“. Сите бизнисмени беа во комуникација со политичарите“, тврди Јовановски.