Акцијата ја спроведува Инспекторатот на Општина Гази Баба и ќе трае сè до целосно отстранување на сите возила за кои се води постапка согласно Законот за постапување со дополнителни текови на отпад, кој ги пропишува законските процедури за отстранување на ваков тип отпадни возила, објави на Фејсбук градоначалникот Бобан Стефковски. .
Како што објави, на сопствениците на тие возила им биле изречени соодветни прекршочни платни налози за непочитување на прописите.
„Досега се подигнати 11 возила од населбата Автокоманда, а во наредниот период акцијата ќе продолжи и во останатите населени места на територијата на општината.
Општина Гази Баба останува посветена на уредување и зачувување на јавниот простор и повикува на соработка од сите граѓани за почиста и поуредена општина“, порача градоначалникот..