Македонија

И Вајц се приклучи на повиците за уставни измени во Македонија

Изрази надеж дека по локалните избори „ќе бидат направени потребните уставни измени за вклучување на бугарската заедница во Уставот како малцинство“

Томас Вајц, известувач на Европскиот парламент за Македонија

По Румен Радев и  шефот на бугарската дипломатија Георг Георгиев кои ја повикаа земјата да направи уставни измени со вклучување на Бугарите во Уставот, на повикот ден по локалните се огласи и  известувачот  на ЕП за Македонија; Томас Вајц.

Во изјава за Европската новинска агенција,од која е дел и МИА, австрискиот европратеник Томас Вајц рече дека усвојувањето на уставните измени ќе го отвори патот за вистински почеток на преговорите.

„Земјата сега е вклучена во процесот на пристапување, но всушност не сме ги започнале преговорите. Треба наскоро да ги започнеме за да ја одржиме земјата на вистинскиот пат“, рече Вајц.

Според него,македонската влада полека, но сигурно ги спроведува агендите поврзани со малцинствата, коридорите и безбедносните прашања, што постигна одреден напредок, но сепак вели дека во моментов недостасува вистински напредок на европскиот пат.

„С.Македонија е сè уште блокирана од Бугарија. За жал, има многу прашања поврзани со идентитетот што го блокираат нејзиниот напредок“, додава Вајц.

Бугарскиот претседател Румен Радев, за време на вчерашната средба со унгарскиот претседател Тамаш Шујок, ја повика Унгарија да ја убеди Македонија дека измената на Уставот и европскиот консензус за ова прашање се неповратен услов за членство во Европската Унија.

Најнови вести од: Македонија

Мелбурн ѝ се извини на македонската заедница за забраната на сонцето од Кутлеш

Градските власти на Мелбурн ја признаа грешката по независна анализа на одлуката со која македонските учесници беа спречени да го носат знамето на фестивалот Мумба. Во март годинава градот Мелбурн им наложил на македонските учесници на овој фестивал да го користат само државното знаме на Македонија.

Студентите се враќаат во „Кузман Јосифовски – Питу“, домот се отвора за еден месец

Владата и студентските претставници разговараат за промена на досегашниот начин на субвенционирање. Предложениот модел предвидува зголемување на месечната поддршка од досегашните 3.500 на 4.500 денари, воведување посебна дигитална услуга преку платформата „М-услуги“, како и дополнителни попусти при купување храна во вклучените угостителски и трговски објекти.

Македонија планира инвестиции од пет до шест милијарди евра во патишта и во железници

На форумот се разговараше и за примената на вештачката интелигенција и современите технологии. Николоски посочи дека со измените на Законот за јавните набавки се предвидува воведување дигитални алатки и решенија базирани на вештачка интелигенција за автоматизирано следење на постапките и откривање неправилности и ризици.

Силјановска-Давкова: Ние сме рекордери во промената на Уставот, за три децении 36 пати!

Уставот е закон над законите и најважниот општествен договор – истакна денеска претседателката Гордана Силјановска-Давкова на отворањето на научната конференција по повод 35-годишнината од осамостојувањето и донесувањето на првиот Устав на Република Македонија. Конференцијата е во организација на Собранието, ЈНУ Институт за национална историја и Државниот архив.

To top